தமிழக ஆளுநரை சந்திக்க உயர்நீதிமன்ற தலைமை நீதிபதி முடிவு

சென்னை: தமிழக ஆளுநரை சந்திக்க உயர்நீதிமன்ற தலைமை நீதிபதி முடிவு செய்துள்ளார்.

தமிழக அரசியல் தொடர்ந்து பரபரப்பான கட்டத்தை எட்டி வருகிறது. ஆளும் அதிமுக இரண்டாக பிரிந்துள்ளது. முதலமைச்சர் ஓ.பன்னீர்செல்வம், சசிகலா ஆகிய இரு தரப்பினரும் ஆளுநரை தனித்தனியே சந்தித்தனர். அதில் சசிகலா ஆட்சி அமைக்க உரிமை கோரினார். அப்போது ஆதரவு எம்.எல்.ஏக்களின் பட்டியலை அவரிடம் அளித்தார். இதையடுத்து தமிழக அரசியல் நிலவரம் குறித்து, குடியரசுத் தலைவர், மத்திய அரசு, உள்துறை அமைச்சகம் ஆகியோருக்கு அறிக்கை ஒன்றை அனுப்பியுள்ளார்.

இதனைத் தொடர்ந்து இன்று காலை தலைமை செயலாளர் கிரிஜா வைத்தியநாதன், டிஜிபி ராஜேந்திரன், சென்னை காவல்துறை ஆணையர் ஜார்ஜ் உள்ளிட்ட அதிகாரிகளை சந்தித்து பேசினார். அப்போது அடுத்தக்கட்ட நகர்வுகள் குறித்து விரிவாக ஆலோசிக்கப்பட்டது. இந்நிலையில் உயர்நீதிமன்ற தலைமை நீதிபதி சஞ்சய் கிஷன் கவுன், ஆளுநரை சந்திக்க உள்ளதாக தகவல்கள் வெளியாகியுள்ளது.

Chennai HC Judge will meet Governor soon.