தமிழகம், புதுவையில் மழைக்கு வாய்ப்பு.!

தமிழகம் மற்றும் புதுச்சேரியில் ஓரிரு இடங்களில் மழையோ அல்லது இடியுடன் கூடிய மழையோ பெய்ய வாய்ப்பு உள்ளதாக சென்னை வானிலை ஆய்வு மையம் தெரிவித்துள்ளது.

இதுகுறித்து சென்னை வானிலை மைய ஆய்வு இயக்குநர் பாலச்சந்திரன் கூறியிருப்பாதவது;
குமரிக்கடல் மற்றும் அதனை ஒட்டியுள்ள பகுதிகளில் நிலவி வரும் வளி மண்டல மேல் அடுக்கு சுழற்சி காரணமாக தமிழகம் மற்றும் புதுச்சேரியில் ஓரிரு இடங்களில் மழையோ அல்லது இடியுடன் கூடிய மழையோ பெய்ய வாய்ப்புள்ளது.

கடந்த 24 மணி நேரத்தில் குறிப்பிடக் கூடிய அளவில் மழை பதிவாகவில்லை என்றும், சென்னையை பொருத்த வரை வானம் ஓரளவு மேகமூட்டத்துடன் இருக்கும். ஆனால் மழைக்கு வாய்ப்பு இல்லை. காலை நேரங்களில் பனிப்பொழிவு அதிகம் காணப்படும் என்று சென்னை வானிலை மைய ஆய்வு இயக்குநர் பாலச்சந்திரன் தெரிவித்துள்ளார்.