Chennai Rains: சென்னையில் பொளந்து கட்ட காத்திருக்கும் பெருமழை; அதுவும் இந்த தேதியில் - உஷார் மக்களே!

தமிழகத்தின் பல்வேறு மாவட்டங்களில் நல்ல மழை பெய்து வருகிறது. அடுத்த சில நாட்களில் மழை குறையும் என்று வானிலை ஆய்வு மையம் ஏற்கனவே கூறியிருந்தது. அதன்பின்னர் எப்போது மழை தொடங்கும் என்று கேள்வி எழுகிறது.

இதுதொடர்பாக தமிழ்நாடு வெதர்மேன் பிரதீப் ஜான் தனது பேஸ்புக் பக்கத்தில் பதிவிட்டுள்ளார். அதில் வடகிழக்கு பருவமழை தொடர்ந்து கொண்டு இருக்கிறது. கிழக்கு திசை காற்றின் காரணமாக பருவமழையின் தீவிரம் அதிகரிக்கக் கூடும். உள் மாவட்டங்கள் மற்றும் டெல்டா பகுதிகளில் பிற்பகல் முதல் இரவு வரை மழை பெய்யக்கூடும்.
செம ஹேப்பி விஜயகாந்த்; தேமுதிகவிற்காக தமிழக அரசு இப்படியொரு நடவடிக்கை!

வழக்கம் போல் இரவு தொடங்கி காலை வரை கடலோர மாவட்டங்களான ராமநாதபுரம் முதல் தூத்துக்குடி வரை மழை பெய்ய வாய்ப்புள்ளது. கடந்த 2 நாட்களில் காலையில் பெய்த குறுகிய நேர மழை போன்று நாளையும் பெய்யக்கூடும்.

அரபிக்கடலில் ஏற்பட்டுள்ள குறைந்த காற்றழுத்தம் காரணமாக குன்னூர் பள்ளத்தாக்கு பகுதியில் மழைக்கு வாய்ப்பிருக்கிறது. காஞ்சிபுரம், திருவள்ளூர், சென்னை, செங்கல்பட்டு மாவட்டங்களில் வரும் 7 அல்லது 8ஆம் தேதி கனமழைக்கு வாய்ப்புள்ளது.

17 பேர் பலியான சம்பவம்; 3 முக்கிய அறிவிப்புகளை வெளியிட்ட முதல்வர் பழனிசாமி!

தூத்துக்குடி மற்றும் ராமநாதபுரம் மாவட்டங்களில் அடுத்த சில நாட்களுக்கு மழை பெய்யக்கூடும் எனக் குறிப்பிட்டுள்ளார். முன்னதாக செய்தியாளர்களிடம் பேசிய சென்னை வானிலை ஆய்வு மைய அதிகாரிகள், தென்மேற்கு வங்கக்கடலில் காற்றழுத்த தாழ்வு நிலை தொடர்ந்து நீடித்து வருகிறது.

அடுத்த 24 மணி நேரத்தில் தமிழ்நாடு மற்றும் புதுச்சேரியில் ஒருசில இடங்களில் மிதமான மழை பெய்யக்கூடும். விருதுநகர், சிவகங்கை, தூத்துக்குடி, ராமநாதபுரம் ஆகிய மாவட்டங்களில் கனமழை பெய்ய வாய்ப்புள்ளது.

குமரிக் கடல் பகுதியில் சூறைக் காற்று வீசக் கூடும். எனவே மீனவர்கள் யாரும் கடலுக்கு செல்ல வேண்டாம். சென்னையை பொறுத்தவரை வானம் மேகமூட்டத்துடன் காணப்படும். ஒருசில இடங்களில் லேசான மழைக்கு வாய்ப்புள்ளதாக தெரிவித்தனர்.

கடைசி நேரத்தில் கைவிட்ட விக்ரம்; சரியா குறிவச்ச தமிழன் - டிடிவி தினகரன் பாராட்டு!