எதிர் வீட்டுக்குள் நுழைந்த ஸ்டாலின்: ஒரு அடடே சம்பவம்!

முதல்வரின் மகனாக இருந்தபோதும், எதிர்கட்சித் தலைவராக இருந்தபோதும் எப்போதும் மக்களை அவர்களிடத்திலேயே சென்று சந்திப்பது ஸ்டாலினின் வழக்கம்.

முதல்வராக பொறுப்பேற்ற பின்னரும் இதை தொடர்ந்து செய்துவருகிறார் ஸ்டாலின். நடைப் பயிற்சி மேற்கொள்ளும் போது, சைக்கிளிங் செல்லும் போது, சுற்றுப் பயணம் மேற்கொள்ளும் போது மக்களை சந்திப்பதற்கு நேரம் ஒதுக்குகிறார்.

கொளத்தூர் தொகுதியிலிருந்து மூன்றாவது முறையாக சட்டமன்ற உறுப்பினராக தேர்ந்தெடுக்கப்பட்டுள்ளார் ஸ்டாலின். பத்தாண்டுகளுக்கும் மேல் அங்கு அடிக்கடி சென்று வந்துள்ளார். ஒவ்வொரு முறை செல்லும் போதும் பல்வேறு நபர்களுடன் உரையாடுவார். எம்.எல்.ஏ அலுவலகத்துக்கு எதிரே அமைந்துள்ள சிவராமகிருஷ்ணன் என்பவரது குடும்பத்துடன் நட்பு பாராட்டி வருகிறார் ஸ்டாலின்.
பள்ளிக் கல்வித் துறை வெளியிட்ட நச் அறிவிப்பு: இது முதல்முறை!
சிண்டிகேட் வங்கியில் பணியாற்றி ஓய்வு பெற்றவர் சிவராமகிருஷ்ணன். அவரது மனைவியின் அம்மா உடல்நலம் பாதிக்கப்பட்டிருப்பதாக ஸ்டாலினுக்கு சொல்லப்பட்டது. தகவல் அறிந்த ஸ்டாலின் உடனே எதிர் வீட்டுக்கு சென்றுள்ளார்.

முதல்வர் திடீரென வீட்டுக்குள் வந்ததும் சிவராமன் குடும்பத்தினர் மகிழ்ச்சியில் ஆழ்ந்துள்ளனர். உடல்நலம் பாதிக்கப்பட்ட பாட்டிக்கு ஸ்டாலின் நம்பிக்கையூட்டினார்.
பழைய வேலைக்கே திரும்பும் சசிகலா: நெருக்கடிக்குப் பின் எடுத்த முடிவு?
அவர்களோடு சிறிது நேரம் செலவிட்ட ஸ்டாலின் உரையாடிவிட்டு அங்கிருந்து கிளம்பினார். எதிர்பாராதவிதமாக ஸ்டாலின் வந்து உடல்நலம் விசாரித்துச் சென்ற நிலையில் சிவராமகிருஷ்ணன் குடும்பத்தினர் மகிழ்ச்சி தெரிவித்துள்ளனர்.