விக்கிபீடியாவில் எடப்பாடி பழனிச்சாமி பெயர் ‘இடிச்சபுளி’ என்று மாற்றம்!

முதல்வர் எடப்பாடி பழனிச்சாமியின் பெயரை சிலர் ‘இடிச்சப்புளி’ என்று மாற்றம் செய்துள்ளனர்.

திறந்த களஞ்சியமான விக்கிப்பீடியாவில், பிரபலங்கள், அரசியல்வாதிகள், அறிவியல், கலை,, இலக்கியம் என அனைத்து தலைப்புகள் தொடர்பாகவும் கட்டுரைகள் இருக்கும். இதை யார் வேண்டுமானாலும் திருத்தம் செய்யலாம்.

இந்நிலையில், கடந்த சில தினங்களுக்கு முன் டிடிவி தினகரன் முதல்வர் எடப்பாடி பழனிச்சாமியை ‘இடிச்சப்புளி’ என்று கிண்டல் செய்தார். இதையடுத்து, டிடிவி ஆதரவாளர்கள் சிலர் விக்கிப்பீடியாவில் முதல்வர் எடப்பாடி பழனிச்சாமியின் பெயரை ‘இடிச்சப்புளி’ என்று மாற்றியுள்ளனர். தற்போது அது மீண்டும் மாற்றம் செய்யப்பட்டுள்ளது.

சில மாதங்களுக்கு முன், தமிழக பாஜக தலைவர்கள் தமிழிசை சௌந்தர்ராஜன் பெயர் ‘டுமிழிசை’ எனவும், பொன்.ராதாகிருஷ்ணன் பெயர் ‘பொரி உருண்டை’ எனவும் மாற்றப்பட்டு இருந்தது என்பது குறிப்பிடத்தக்கது.