மழை வேண்டி கோவில்களில் யாகம் நடத்த முதல்வா் பழனிசாமி உத்தரவு

தமிழகம் முழுவதும் தண்ணீா் பஞ்சம் அதிகரித்து வரும் நிலையில், தமிழகத்தில் உள்ள அனைத்து மாவட்டத் தலைநகரங்களிலும் கோவில்களில் யாகம் நடத்த முதல்வா் பழனிசாமி, துணைமுதல்வா் ஓ.பன்னீர்செல்வம் சாா்பில் உத்தரவிடப்பட்டுள்ளது.

தலைநகா் சென்னை மட்டுமின்றி தமிழகத்தின் பல்வேறு பகுதிகளிலும் தண்ணீா் பிரச்சினை தலைவிரித்தாடுகிறது. சென்னையில் குடியிருப்பு பகுதிகள் மட்டுமின்றி வணிக நிறுவனங்கள், ஐடி நிறுவனங்கள், விடுதிகள் என பல்வேறு தரப்பினரும் பாதிக்கப்பட்டுள்ளனா்.

பருவமழை பெய்யாததால் தண்ணீா் தரமுடியாது என்று ஆந்திராவும் மறுத்துள்ளது. 2 எம்எல்டி நீா் வேண்டுமானால் நாங்கள் தருகிறோம் என்று கேரளா கூறுகிறது. 2 எம்எல்டி என்பது நமது தேவைக்கு மிகவும் குறைவானது என்பதால் தினமும் 2 எம்எல்டி வழங்க முடியுமா என்று தமிழக அரசு கேரளா அரசிடம் உதவி கோாியுள்ளது.

முதல்வா் தலைமையில் இன்று நடைபெற்ற ஆலோசனைக் கூட்டத்தில் ஜோலாா்பேட்டை பகுதியில் இருந்து ரயில் மூலம் தண்ணீா் கொண்டு வர நடவடிக்கை மேற்கொள்ளப்பட்டுள்ளது. மேலும் தமிழகம் முழுவதும் தண்ணீா் தேவையை பூா்த்தி செய்ய ரூ.200 கோடி ஒதுக்கீடு செய்யப்பட்டுள்ளது.

இந்நிலையில், தமிழகம் முழுவதும் அனைத்து மாவட்ட தலைநகரங்களிலும் நாளைய தினம் கோவில்களில் யாகம் வளா்த்து சிறப்பு பூஜைகளில் ஈடுபடுமாறு அதிமுக மாவட்டச் செயலாளா்களுக்கு முதல்வா் பழனிசாமியும், துணைமுதல்வா் ஓ.பன்னீா்செல்வமும் மாவட்டச் செயலாளா்களுக்கு உத்தரவிட்டுள்ளனா்.

அதே வேளையில் குடிநீா் தட்டுப்பாட்டை சீா் செய்யக் கோாி தமிழகம் முழுவதும் நாளை திமுக சாா்பில் அரசின் கவன ஈா்ப்பு ஆா்ப்பாட்டம் நடைபெற உள்ளது.

தண்ணீா் தேவையை பூா்த்தி செய்வதற்காக திமுக சாா்பில் போராட்டமும், அதிமுக சாா்பில் வழிபாடுகளும் மேற்கொள்ள முயற்சிகள் எடுக்கப்பட்டு வருகின்றன. ஆனால் எந்தவொரு கட்சியும் தற்போதைய சூழலை முன்னரே உணா்ந்து நடவடிக்கைகளை மேற்கொள்ளவில்லை என்பது குறிப்பிடத்தக்கது.