கோவை மருத்துவமனைக்கு சிறந்த மருத்துவமனை விருது

கோவை: சிறந்த சேவை மற்றும் பசுமையான சூழல் ஆகிவற்றுக்காக கோவை மெடிக்கல் சென்டர் மற்றும் மருத்துவமனைக்கு 2 விருதுகள் வழங்கபப்ட்டுள்ளன.

கோவையில் உள்ள கோவை மெடிக்கல் சென்டர் மருத்துவமனை கடந்த 25 ஆண்டுகளுக்கு மேலாக மக்கள் சேவையாற்றி வருகிறது.

பல்வேறு தரப்பினரின் பாராட்டுகளைப் பெற்றுள்ள இந்த மருத்துவமனையின் சேவையைப் பாராட்டி அகில இந்திய மருந்து பொருட்கள் விநியோகஸ்தர்கள் சங்கம் பசுமை மருத்துவமனை விருதினையும், தமிழக அரசு மற்றும் இந்திய தொழில்துறை மற்றும் வர்த்தக சம்மேளனத்தின் சார்பில் சிறந்த மருத்துவமனைக்கான விருதும் வழங்கி கவுரவிக்கப்பட்டுள்ளது.

இதுகுறித்து மருத்துவமனையின் தலைவர் ஜி.பழனிச்சாமி கூறுகையில், எங்களது மருத்துவமனையில் நீர் மேலாண்மைக்கு அதிக முக்கியத்துவம் தரப்படுகிறது. அதேபோல, மருத்துவமனை வளாகம் மற்றும் உபகரணங்களை சுற்றுச்சூழலுக்கு கேடு விளைவிக்காத பொருட்கள் கொண்டு சுத்தப்படுத்துகிறோம் என்று தெரிவித்தார்.