உள்ளாட்சி தேர்தல்: அக்டோபர் 3ஆம் தேதிக்குள் காங்கிரஸ் வேட்பாளர் பட்டியல் வெளியீடு

சென்னை: வரும் உள்ளாட்சி தேர்தலில் போட்டியிடும் காங்கிரஸ் வேட்பாளர் பட்டியல் வரும் அக்டோபர் 3ஆம் தேதிக்குள் வெளியிடப்படும் என்று அக்கட்சியின் மாநிலத் தலைவர் திருநாவுக்கரசர் தெரிவித்துள்ளார்.

சென்னையில் தமிழக காங்கிரஸ் கமிட்டியின் மாநிலத் தலைவர் திருநாவுக்கரசர் செய்தியாளர்களுக்கு பேட்டியளித்தார். அப்போது திமுகவுடன் காங்கிரஸ் கட்சி பேச்சுவார்த்தை நடத்தி வருவதாகவும், அக்டோபர் 3ஆம் தேதிக்குள் தங்கள் கட்சியின் வேட்பாளர் பட்டியல் வெளியிடப்படும் என்றும் தெரிவித்தார்.

முன்னதாக, சென்னை தியாகராய நகரில் உள்ள மார்க்சிஸ்ட் கம்யூனிஸ்ட் கட்சி அலுவலகத்தில் மாநிலச் செயலர் ஜி.ராமகிருஷ்ணனை திருநாவுக்கரசர் சந்தித்து பேசினார். சந்திப்பின்போது மாநிலங்களவை உறுப்பினர் டி.கே.ரங்கராஜன், மார்க்சிஸ்ட் மத்தியக் குழு உறுப்பினர் செளந்தரராஜன், காங்கிரஸ் எம்எல்ஏ விஜயதரணி, மாநிலத் துணைத் தலைவர் தாமோதரன், மாநிலப் பொதுச்செயலர் கே.சிரஞ்சீவி உள்ளிட்டோர் உடனிருந்தனர்.

மாநிலத் தலைவராகப் பொறுப்பேற்ற திருநாவுக்கரசர் அரசியல் கட்சித் தலைவர்கள், முக்கிய பிரமுகர்களை சந்தித்து பேசிவது குறிப்பிடத்தக்கது.

Congress candidate list will release before Oct 3rd says thirunavukarasar.