சென்னை, கோவை உட்பட அனைத்து மாவட்ட கொரோனா நிலவரம்..!

தமிழகத்தின் கொரோனா நிலவரத்தை தினந்தோறும் சுகாதாரத்துறை வெளியிட்டு வருகிறது. இந்நிலையில், இன்று உங்களது மாவட்டங்களில் கொரோனா எப்படி இருக்கிறது என்பதை சுருக்கமாக பார்க்கலாம்.

தமிழகத்தில் கடந்த 24 மணி நேரத்தில் பேருக்கு 1,430 பேருக்கு தொற்று உறுதி செய்யப்பட்டுள்ளது. இதனால் மொத்த பாதிப்பு எண்ணிக்கை 7,79,046 ஆக அதிகரித்துள்ளது. தற்போது 11,073 பேர் சிகிச்சையில் உள்ளனர். சென்னையில் இன்றும் நானூற்றுக்கும் கீழே பாதிப்பு குறைந்துள்ளது. இன்று 393 பேருக்கு கொரோனா உறுதி செய்யப்பட்டுள்ள நிலையில், மொத்த பாதிப்பு 214577 ஆக உயர்ந்துள்ளது. சென்னையில் இதுவரை 206897 பேர் டிஸ்சார்ஜ் செய்யப்பட்டுள்ளனர்.3843 பேர் உயிரிழந்துள்ளனர்.

கோவையில் இன்று 142 பேருக்கு தொற்று உறுதி செய்யப்பட்டுள்ள நிலையில், மொத்த பாதிப்பு எண்ணிக்கை 48421 ஆக அதிகரித்துள்ளது. 46991 பேர் டிஸ்சார்ஜ் செய்யப்பட்டுள்ளனர். 611 பேர் பலியாகியுள்ளனர். பெரம்பலூர் மாவட்டத்தில் இன்று ஒருவருக்கு கொரோனா பாதிப்பு உறுதியாகியுள்ளது. இதுவரை இங்கு 2238 பேருக்கு தொற்று உறுதி செய்யப்பட்டுள்ள நிலையில், 2212 பேர் டிஸ்சார்ஜ் செய்யப்பட்டுள்ளனர். தற்போது 5 பேர் சிகிச்சையில் உள்ளனர்.


தமிழகத்தில் கடந்த 24 மணி நேரத்தில் 65,579 பேருக்கு பரிசோதனை மேற்கொள்ளப்பட்டுள்ளது. இதுவரை 1,16,40,583 பேருக்கு கொரோனா பரிசோதனை செய்யப்பட்டுள்ளது.

'நிவர்' போனது 'புரெவி' வருது..! மக்கள் கவனமாக இருக்க அறிவுறுத்தல்..!

மாநிலத்தில் இன்று 1,453 நோயாளிகள் டிஸ்சார்ஜ் செய்யப்பட்டுள்ளதால் இதுவரை குணமானோர்களின் எண்ணிக்கை 7,56,279 ஆக அதிகரித்துள்ளது. இன்று 13 பேர் உயிரிழந்துள்ள நிலையில், மொத்த பலி எண்ணிக்கை 11,694ஆக உயர்ந்துள்ளது.