வைஃபை, கழிவறை வசதி உடன் கோவை டூ பெங்களூரு சூப்பர் அரசுப் பஸ் சர்வீஸ்!

கோவை: அதிநவீன வசதிகளுடன் பெங்களூருவிற்கு பேருந்து சேவை விடப்பட்டுள்ளது.

தமிழ்நாட்டின் தொழில்நகராக கோவை விளங்குகிறது. அங்கிருந்து பெங்களூருவிற்கு ஏராளமான ரயில்கள் இயக்கப்படுகின்றன.

ஆனால் சிறப்பம்சங்கள் கொண்ட பேருந்துகள் பெரிதாக இல்லை. இந்நிலையில் கர்நாடக அரசு, கோவையில் இருந்து பெங்களூவிற்கு அதிநவீனப் பேருந்து ஒன்றை அறிமுகம் செய்துள்ளது.

இந்த சேவை இன்று முதல் தொடங்கப்பட்டுள்ளது. இந்த பேருந்தில் வை-பை, கழிப்பறை வசதிகள் உள்ளன. கோவையில் மதியம் 12 மணிக்கு புறப்பட்டு, இரவு 8 மணிக்கு பெங்களூருவை வந்தடைகிறது.

பின்னர் அதிகாலை 3 மணிக்கு புறப்பட்டு, காலை 10.45 மணிக்கு கோவை வந்தடைகிறது. இதில் பயணம் செய்ய ரூ.1,100 கட்டணம் நிர்ணயிக்கப்பட்டுள்ளது.

Covai to Bangalore KSRTC bus gets toilet and WiFi.