மீஞ்சூர் மற்றும் ஆம்பூரில் ரயில் தண்டவாளத்தில் விரிசல்

சென்னையில் இருந்து ஜோலார்பேட்டை செல்லும் ரயில்வே தண்டவாளத்தில் விரிசல் ஏற்பட்டுள்ளது.

வேலூர் மாவட்டம் ஆம்பூரில்‌ உள்ள ரயில் தண்டவாளத்தில் இந்த விரிசல் கண்டறியப்பட்டுள்ளது. விரிசலை சரி செய்யும் பணியில் ரயில்வே ஊழியர்கள் ஈடுபட்டுள்ளனர். இதனால் அவ்வழியாக செல்லும் விரைவு ரயில்கள் மெதுவாக இயக்கப்படுகின்றன.

இதற்கிடையே, சென்னை, கும்முடிபூண்டி ரயில் மார்க்கத்தில் நந்தியம்ப‌க்கம், மீஞ்சூர் ரயில் நிலையங்களுக்கு இடையே உள்ள தண்டாவாளத்தில் விரிசல் ஏற்பட்டுள்ளது. இதனை சரி செய்யும் பணியில் ரயில்வே ஊழியர்கள் ஈடுபட்டுள்ளனர். இதனால் அந்த வழியே இயக்கப்படும் பெரும்பாலான மின்சார ரயில்கள் ஆங்காங்கே நிறுத்தப்பட்டுள்ளன.