'நாடா' புயல் : தயார்நிலையில் மீட்பு படையினர்

'நாடா' புயல் வெள்ளிக்கிழமை கரையை கடப்பதை முன்னிட்டு முன்னெச்சரிக்கை நடவடிக்கையாக சென்னை, கடலூர் , நாகை ஆகிய மாவட்டங்களில் தேசிய மற்றும் மாநில பேரிடர் மீட்பு படையினர் தயார்நிலையில் உள்ளனர்.

தென்கிழக்கு வங்கக் கடலில் நிலைக் கொண்டிருந்த காற்றழுத்த தாழ்வு நிலை இன்று காலை 8.30 மணியளவில் வலுப்பெற்று புயலாக உருவாகியுள்ளது. இதற்கு 'நடா' என பெயரிடப்பட்டுள்ளது. இந்த புயலானது 2ம் தேதி அதிகாலை வேதாரண்யம் - புதுச்சேரி இடையே கடலூருக்கு அருகே கரையை கடக்கும் என்று எதிர்பார்க்கப்படுகிறது.

புயல் கரையை கடக்கும்போது மணிக்கு 50-60கி.மீ வேகத்தில் இருந்து 80 கி.மீ வேகம் வரை காற்று வீசக்கூடும் என்றும், கடலோரப் பகுதிகளில் வசிக்கும் மக்கள் பாதுகாப்பான இடத்துக்கு செல்லும்படியும் வானிலை ஆய்வு மையம் அறிவுறுத்தியுள்ளது.

இந்தநிலையில் முன்னெச்சரிக்கை நடவடிக்கையாக சென்னை, கடலூர் , நாகை ஆகிய மாவட்டங்களில் தேசிய மற்றும் மாநில பேரிடர் மீட்பு படையினர் மைய மீட்டுள்ளனர். கடலூர் மாவட்டத்தில் இரு தேசிய பேரிடர் மீட்பு படையினரும் , ஒரு மாநில பேரிடர் மீட்பு படையினரும் அனுப்பி வைக்கப்பட்டுள்ளனர்.

சென்னை, நாகை ஆகிய மாவட்டங்கள் தலா ஒர தேசிய பேரிடர் மீட்பு படையினரும் , ஒரு மாநில பேரிடர் மீட்பு படையினரும் அனுப்பி வைக்கப்பட்டு தயார்நிலையில் உள்ளனர்.மேலும் மக்களுக்கு அவசர உதவிகளுக்கு 1070/1077 இலவச தொலைப்பேசி எண்களை தொடர்பு கொள்ளலாம் என்று அறிவிக்கப்பட்டுள்ளது.