பாஜக தேர்தல் வெற்றிக்கு வாழ்த்துமழை பொழியும் அதிமுக!

குஜராத் மற்றும் இமாச்சலப் பிரதேச சட்டமன்றத் தேர்தல்களில் வெற்றி பெற்றதற்காக பாஜக தலைவர் அமித் ஷாவிற்கு தமிழக துணை முதல்வர் ஓ.பன்னீர்செல்வம் வாழ்த்து தெரிவித்துள்ளார்.

நாடு முழுவதும் மிகுந்த எதிர்பார்ப்பை ஏற்படுத்திய குஜராத் மற்றும் இமாச்சலப் பிரதேச சட்டமன்றத் தேர்தல்களின் முடிவுகள் வெளியாகி உள்ளன. இரண்டு மாநிலங்களிலும் மத்தியில் ஆளும் பாஜக கட்சி வெற்றி பெற்றதோடு, தனிப்பெரும்பான்மையோடு ஆட்சியை அமைக்க உள்ளது.


இந்நிலையில், பாஜக கட்சியின் வெற்றிக்கு வாழ்த்து தெரிவித்து, துணை முதல்வர் ஓ.பன்னீர்செல்வம் பாஜக தலைவர் அமித் ஷாவிற்கு கடிதம் அனுப்பியுள்ளார். அதில்,”குஜராத் மற்றும் இமாச்சலப் பிரதேச மாநிலங்களில் பாஜக மகத்தான வெற்றியடைந்ததை அறிந்து மிகவும் மகிழ்ச்சியடைகிறேன். உங்களின் இந்த வெற்றிக்கு மனமாற வாழ்த்துகளைத் தெரிவித்துக்கொள்கிறேன்.” என்று தெரிவித்துள்ளார்.

முன்னதாக, தமிழக முதல்வர் எடப்பாடி பழனிச்சாமி குஜராத் மற்றும் இமாச்சலப் பிரதேசத்தில் பாஜக வெற்றியடைந்ததற்கு பிரதமர் மோடிக்கு போன் மூலம் வாழ்த்து தெரிவித்தார் என்பது குறிப்பிடத்தக்கது.