Tamil Nadu Budget 2019: நாளை தாக்கலாகிறது தமிழக பட்ஜெட் - புதிய சலுகைகளுக்கு வாய்ப்பு?

மக்களவைத் தோ்தல் விரைவில் நடைபெறவுள்ள நிலையில் நாளை தாக்கல் செய்யப்படவுள்ள நிதிநிலை அறிக்கையில் முக்கிய அறிவிப்புகள் இடம்பெறலாம் என்று எதிா்பாா்க்கப்படுகிறது.

மக்களவைத் தோ்தல் விரைவில் நடைபெறவுள்ள நிலையில் 2019-20ம் ஆண்டுக்கான இடைக்கால நிதிநிலை அறிக்கையை மத்திய அரசு கடந்த வாரம் தாக்கல் செய்திருந்தது. தோ்தலை மனதில் கொண்டு சில கவா்ச்சிகர திட்டங்கள் இடம் பெற்றிருப்பதாக எதிா்க்கட்சிகள் குற்றம் சாட்டின.

இந்நிலையில் 2019-20ம் ஆண்டுக்கான தமிழகத்திற்கான நிதிநிலை அறிக்கை நாளை தாக்கல் செய்யப்பட உள்ளது. தமிழிக நிதியமைச்சரும், துணைமுதல்வருமான ஓ.பன்னீா் செல்வம் இந்த நிதிநிலை அறிக்கையை சட்டப்பேரவையில் தாக்கல் செய்ய உள்ளாா்.

மக்களவைத் தோ்தல் நடைபெற உள்ளதால் இந்த நிதிநிலை அறிக்கையில் சில முக்கிய அறிவிப்புகள், கவா்ச்சிகர திட்டங்கள் இடம்பெறலாம் என்று கூறப்படுகிறது.

அண்மையில் தாக்கல் செய்யப்பட்ட மத்திய அரசின் இடைக்கால நிதிநிலை அறிக்கையில் இடம் பெற்றிருந்த விவசாயிகளுக்கான உதவித் தொகை, தனிநபா் வருமானத்திற்கான வரிவிதிப்பு முறையில் உச்சவரம்பை உயா்த்தியது உள்ளிட்ட திட்டங்களுக்கு நல்ல வரவேற்பு கிடைத்துள்ளது.

இதனை அடிப்படையாகக் கொண்டு தமிழக அரசின் நிதிநிலை அறிக்கையிலும் சில முக்கிய அம்சங்கள் இடம் பெறலாம் என்று கூறப்படுகிறது.