உதயநிதியை புதிய இளைஞர் அணிச் செயலாளர் ஆக்குகிறாரா ஸ்டாலின்?

திமுக மக்களவை உறுப்பினர் சாமிநாதன் திருப்பூரில் ஆளும் அதிமுக அரசு குடிநீர் மற்றும் மக்கள் புழங்கும் தண்ணீர் தட்டுப்பாட்டைப் போக்குவதில் மெத்தனம் காட்டுவதை எதிர்த்து போராட்டம் நடத்தினார்.

அப்போது செய்தியாளர்களிடம் பேசிய அவர், கட்சியில் இளைஞர் அணிச் செயலாளர் பதவியில் இருந்து தன்னை கட்சித் தலைவர் ஸ்டாலின் நீக்க உள்ளதாக பரவிய செய்தி வதந்தி, அதனை நம்ப வேண்டாம் எனத் தெரிவித்துள்ளார்.

மேலும் கட்சியில் அதிகாரப் பூர்வமாக வெளியிடாமால் யாரோ வாய்வார்த்தையாக சொன்ன தகவல்கள் பேஸ்புக், வாட்சாப் உள்ளிட்ட சமூக வலை தளங்களில் வைரலாகப் பரவுவதால் இவ்வாறான பொய் செய்திகள் உலா வருவதாக அவரது ஆதரவாளர்கள் தெரிவித்தனர்.

மேலும் ஸ்டாலினின் மகன் உதய நிதி ஸ்டாலினை புதிய இளைஞர் அணிச் செயலாளராக நியமிக்கவுள்ளதாக முன்னதாக செய்தி வெளியானது.

ஒருவேளை அவ்வாறு கட்சித் தலைவர் ஸ்டாலின் முடிவெடுத்தால் அதற்கு தான் கட்டுப்படுவதாகவும் அவ்வாறு தற்போது எந்த முடிவும் எடுக்கப்படவில்லை என்று சாமிநாதன் மேலும் தேரிவித்துள்ளார்.

உதயநிதி ஸ்டாலினை கட்சியின் பொறுப்புகளை ஏற்க ஸ்டாலின் தயார் படுத்தி வருவது அனைவருக்கும் தெரியும். முன்னதாக உதயநிதி தேர்தல் பிரசாரத்தில் கலந்துகொண்டார்.

கருணாநிதி ஸ்டாலினை எவ்வாறு படிப்படியாக ஸ்டாலினை கட்சியுன் கடைநிலை பணிகளில் இருந்து அனைத்து பிரிகளிலும் பயிற்றுவித்து மேயர் தேர்தலில் போட்டியட வைத்தாரோ அதுபோல உதயநிதியை தற்போது ஸ்டாலின் பயிற்றுவிப்பது குறிப்பிடத்தக்கது.

திருப்பரங்குன்றம் அதிமுக எம்எல்ஏ ஏ.கே.போஸ், உடல்நலக்குறைவால் காலமானதைத் தொடர்ந்து, அந்தத் தொகுதி காலியானதாக அறிவிக்கப்பட்டது. தற்போது கருணாநிதியின் திருவாரூர் தொகுதியும் காலியாக அறிவிக்கப்பட்டுள்ளது. காலியாக உள்ள தொகுதிகளுக்கு அடுத்த 6 மாதங்களுக்குள் இடைத் தேர்தல் நடத்தப்படலாம் என எதிர்பார்க்கப்படுகிறது.

கலைஞரின் திருவாரூர் தொகுதியை உதயநிதி ஸ்டாலினுக்கு ஒதுக்கப்போவதாக தெரிவித்திருக்கின்றனர் திமுகவை சேர்ந்த சிலர். அப்படி ஒரு கருத்து நிலவுவதாலேயே, சமீபகாலமாக நடைபெறும் அனைத்து கட்சி நிகழ்வுகளிலும் உதயநிதியும் அவசியம் இடம் பெறுகிறார்.