கார் விபத்தில் திண்டுக்கல் லியோனி காயம்

திண்டுக்கல் : பட்டிமன்ற நடுவரும், தி.மு.க. தலைமை கழக பேச்சாளருமான திண்டுக்கல் லியோனி சென்ற கார் விபத்தில் சிக்கியதால், அவர் காயமடைந்தார்.

திண்டுக்கல் நாகல்நகரில் நடந்த ஒரு திருமண நிகழ்ச்சியி கலந்து கொள்வதற்காக அவர் சென்று கொண்டிருந்த பொழுது, நாகல் நகரின் மேம்பாலத்திற்கு கீழ் சென்றார். அப்போது மேம்பாலத்தின் குறுக்கு சாலையில் வழியாக மணல் லாரி ஒன்ரு சென்று கொண்டிருந்தது.

நாகல் நகரின் மேம்பாலத்திற்கு அருகில் சாலை சற்று மேடா இருப்பதால், மணல் லாரி அதில் சற்று மெதுவாக சென்று கொண்டிருந்தது. ஒரு கட்டத்தில் அந்த மணல் லாரி ஓட்டுனரின் கட்டுப்பாட்டை இழந்து பின்னோக்கி வந்தது.

மணல் லாரியின் பின்புறமாக லியோனியின் கார் சென்று கொண்டிருந்தது. லாரி திடீரென பின்புறமாக வந்ததால், லாரியின் பின்புறம் காரின் முன்புறத்தில் பயங்கரமாக மோதியது. இதில் லியோனியின் கைகளில் லேசான காயம் ஏற்பட்டது.

இதையடுத்து அவரை சிகிச்சைக்காக மருத்துவமனைக்கு அழைத்து செல்லப்பட்டார். விபத்து ஏற்படுத்திய லாரி ஓட்டுனர் தப்பி ஓட முயன்றார். அவரை பிடித்து போலீஸார் விசாரித்து வருகின்றனர்.