தினகரனுக்குப் பதிலடி தந்த அமைச்சர் திண்டுக்கல் சீனிவாசன்!

கடலூர்: ஜெயலலிதா மருத்துவமனையில் சிகிச்சை பெற்ற சிசிடிவி காட்சிகள் தன்னிடம் இருப்பதாகத் தெரிவித்த தினகரன் தெரிவித்த நிலையில், அந்த சிசிடிவி காட்சிகளை வைத்து அவர் பூஜை செய்கிறாரா என்று கேள்வி எழுப்பியுள்ளார் அமைச்சர் திண்டுக்கல் சீனிவாசன்.

மறைந்த முன்னாள் முதலமைச்சர் ஜெயலலிதாவின் மரணம் குறித்து பல்வேறு சந்தேகங்கள் இன்றளவு இருந்து வருகின்றன. அவர் அப்பலோ மருத்துவமனையில் இருந்தபோது, அவரை யாரும் சந்திக்கவில்லை. நாங்கள் கட்சி நலனுக்காக பொய் கூறினோம் என அமைச்சர் திண்டுக்கல் சீனிவாசன் வெள்ளிக்கிழமை நடந்த கட்சிப் பொதுக்கூட்டத்தில் தெரிவித்தார்.

இதற்கு பதிலளித்த தினகரன், “அவர் தனக்கு கிடைத்துள்ள அமைச்சர் பதவியைத் தக்க வைத்துக்கொள்ளவே அவ்வாறு பொய் கூறியுள்ளார். ஜெயலலிதா மருத்துவமனையில் இருந்தபோது சிகிச்சை பெற்ற சிசிடிவி காட்சிகள் எங்களிடம் உள்ளன. சசிகலாவைச் சந்தித்து ஆலோசனை நடத்திய பின்னர் அந்தக் காட்சிகளை வெளியிடுவோம்”, என்று கூறினார்.

இந்நிலையில், தினகரனின் கருத்திற்கு பதிலளித்த அமைச்சர் திண்டுக்கல் சீனிவாசன், “அந்த சிசிடிவி காட்சிகளை வைத்துக்கொண்டு தினகரன் பூஜை நடத்துகிறாரா?”, என்று பதிலடி கொடுத்துள்ளார்.

Dindigul Srinivasan questioned TTV Dinakaran, whether he is doing pooja with the cctv footages of Jayalalaitha’s treatment.