ஹைட்ரோ கார்பன் போராட்டத்தில் கலந்து கொண்ட பிரபல இயக்குநர்!

புதுக்கோட்டை மாவட்டம் நெடுவாசல் கிராமத்தில் ஹைட்ரோ கார்பன் திட்டத்திற்கு எதிர்ப்பு தெரிவித்து நடைபெற்றுவரும் போராட்டத்தில் இயக்குநர் பாண்டிராஜ் கலந்து கொண்டுள்ளார்.

தமிழ்நாட்டில் ஒவ்வொரு பிரச்னைக்கும் மக்கள் போராட வேண்டிய அசாதாரண சூழல் நிலவுகிறது. காவிரி டெல்டா பகுதியில் மீத்தேன் வாயு எடுக்க மத்திய அரசு அளித்த ஒப்புதலை எதிர்த்து பொதுமக்கள் போராடி நிலையில் அத்திட்டம் கைவிடப்பட்டது. தற்போது அதே திட்டத்தை பெயர் மாற்றி ஹைட்ரோ கார்பன் என்ற பெயரில் மத்திய அரசு ஒப்புதல் அளித்துள்ளது. இதற்கு தமிழகத்தின் பல்வேறு பகுதிகளை சேர்ந்த மக்கள் எதிர்ப்பு தெரிவித்து வருகின்றனர். ஹைட்ரோ கார்பன் திட்டம் நிறைவேற்றப்பட்டால் காவிரி டெல்டா பகுதி பாலைவனமாக மாறிவிடும் என்று இத்திட்டத்திற்கு கடுமையாக எதிர்ப்பு தெரித்து 10 நாட்களுக்கும் மேலாக போராட்டம் நடத்திவருகின்றனர்.

நெடுவாசலில் நடைபெற்று வரும் உண்ணாவிரத போராட்டத்தில் இயக்குநர் பாண்டி ராஜ் கலந்து கொண்டுள்ளார். இளைஞர்கள், மாணவர்கள், கிராம மக்கள் என்றும் பலரும் கூடி போராட்டத்தில் ஈடுபட்டுவருகின்றனர்.