Gaja Cyclone Relief Fund: கஜா புயல் நிவாரணம் நிதி: லைகா ஒரு கோடி, ஷங்கர் ரூ.10 லட்சம் நிதி அறிவிப்பு

கஜா புயல் பாதிக்கப்பட்ட மாவட்டங்களில் மக்கள் வாழ்வாதாரம் இழந்து கடுமையாக பாதிக்கப்பட்டுள்ளனர். அவர்களுக்கு நிவாரணம் வழங்கும் வகையில் பலரும் நிவாரண நிதி வழங்கி வருகின்றனர்.

அந்த வகையில் ரஜினி 50 லட்சம், விஜய் சேதுபதி 25 லட்சம், சிவகார்த்திகேயன் 20 லட்சம், விஜய்,சூர்யா உள்ளிட்ட பல பிரபலங்கள் கஜா புயல் பாதிக்கப்பட்ட மக்களுக்கு நிவாரண நிதியை வழங்கியுள்ளனர்.

லைகா நிதி உதவி:
கஜா புயல் பாதிக்கப்பட்ட 7 மாவட்ட மக்களுக்கு நிவாரண நிதி அளிக்க முதலமைச்சர் நிவாரணநிதிக்கு ரூ.1 கோடியே ஒரு லட்சத்தை லைகா நிறுவனம் வழங்கியுள்ளது.


இயக்குனர் ஷங்கர் ரூ. 10 லட்சத்தை நிவாரணமாக வழங்கியுள்ளார்.

அதே போல் பாடலாசிரியர் வைரமுத்து ரூ. 5 லட்சம் நிவாரண நிதியாக வழங்கியுள்ளார்.
அதோடு புயலால் பாதிக்கப்பட்ட மக்களுக்கு உதவியை விரைவாக செய்யுங்கள் என டுவிட்டரில் தெரிவித்துள்ளார்.