விஜயகாந்துக்கு திடீர் மூச்சுத் திணறல்: மருத்துவமனையில் அனுமதி!

தீவிர அரசியலில் ஈடுபட்டு வந்த விஜயகாந்த் கடந்த சில ஆண்டுகளாக உடல்நிலை பாதிக்கப்பட்டது. இதனால் அமெரிக்கா சென்று சிகிச்சை மேற்கொண்டார்.

கனீரென தனக்கேயுரிய பாணியில் பேசி மக்களை கவர்ந்திழுக்கக்கூடிய விஜயகாந்த் தொடர்ச்சியாக பேச முடியாமல் தவித்து வருகிறார். இதனாலே இந்த முறை அவர் சட்டமன்றத் தேர்தலிலும் போட்டியிடவில்லை.
தமிழகத்தில் முழு ஊரடங்கு நீட்டிப்பு: அமைச்சர் சொன்ன தகவல்!
இந்நிலையில் இன்று அதிகாலை 3 மணியளவில் அவருக்கு திடீரென மூச்சுத்திணறல் ஏற்பட்டது. இதனால் அவர் சென்னை மியாட் மருத்துவமனையில் உடனடியாக அனுமதிக்கப்பட்டார்.

ஜூன் 30 வரை முழு ஊரடங்கா? என்ன செய்யப் போகிறது தமிழக அரசு?

அங்கு அவரது உடல்நிலை தீவிரமாக கண்காணிக்கப்பட்டு வருகிறது. தொடர்ந்து தீவிர சிகிச்சை அளிக்கப்பட்டு வருகிறது.

இந்நிலையில் தேமுதிக சார்பில், “விஜயகாந்த் உடல்நிலை சீராக இருப்பதாக மருத்துவமனை நிர்வாகம் தெரிவித்துள்ளார். இரண்டு மூன்று நாள்களில் விஜயகாந்த் வீடு திரும்புவார். வதந்திகளை நம்ப வேண்டாம்” என தெரிவிக்கப்பட்டுள்ளது.