தேமுதிக வைத்த இரு கோரிக்கைகள்: என்ன செய்ய போகிறார் எடப்பாடி?

சட்டமன்றத் தேர்தல் பரபரப்பு தொடங்குவதற்கு முன்பாகவே அதிமுக கூட்டணிக்குள் திரியை கிள்ளியது தேமுதிக. சட்டமன்றத் தேர்தலை தனித்து சந்திக்க தொண்டர்கள் விரும்புவதாக குண்டைப் போட்டார் பிரேமலதா. அதிமுகவுடன் கூட்டணியில் தொடர்கிறோம். சட்டமன்றத் தேர்தல் கூட்டணி குறித்து ஜனவரி மாதமே தொண்டர்களிடம் ஆலோசனை நடத்திய பின்னரே முடிவு செய்யப்படும் என முரணான கருத்துகளை தெரிவித்தபடியே வந்தார்.

பாஜக, பாமக, புதிய தமிழகம் என ஒவ்வொரு கட்சியையும் சமாளித்து வரும் அதிமுகவுக்கு தேமுதிக தரப்பில் சில கோரிக்கைகள் வைக்கப்பட்டுள்ளதாக தகவல்கள் வெளியாகியுள்ளன.

மக்களவைத் தேர்தல் கூட்டணி அமையும் போதே தங்களுக்கு ராஜ்ய சபா சீட்டு வேண்டும் என தேமுதிக தரப்பில் கோரிக்கை வைக்கப்பட்டதாக அக்கட்சியைச் சேர்ந்தவர்கள் கூறினர். ஆனால் அதிமுக தரப்பிலோ அப்படியான ஒப்பந்தங்கள் போடவில்லை என்று தெரிவிக்கப்பட்டது. பாமகவின் அன்புமணி ராமதாஸுக்கு மாநிலங்களவை உறுப்பினர் பதவி வழங்கியது போல் தங்களுக்கும் ஒரு சீட் வேண்டும் என அப்போதே தேமுதிக போர்க்கொடி தூக்கியது.

சசிகலாவுக்கு சிறையில் நடந்த பரீட்சை!

இந்நிலையில் சட்டமன்றத் தேர்தலை முன்னிட்டும் தேமுதிக அந்த கோரிக்கையை தூசு தட்டியுள்ளது. அதாவது 2021 சட்டமன்றத் தேர்தலில் அதிமுகவுடன் கூட்டணி தொடர வேண்டும் என்றால் தேமுதிக துணைச் செயலாளர் சுதீஷுக்கு மாநிலங்களவை உறுப்பினர் பதவி வழங்க உறுதியளிக்க வேண்டும் என தேமுதிக தரப்பில் கோரிக்கை வைக்கப்பட்டுள்ளது.

சில்க் ஸ்மிதாவாக நடிக்கிறேனா?: பிரபல விஜே

விஜயகாந்தின் தற்போதைய உடல்நிலை காரணமாக அவர் பெரும்பாலும் நிகழ்ச்சிகளில் கலந்துகொள்வதோ, செய்தியாளர்களைச் சந்திப்பதோ இல்லை. பிரேமலதா தான் அந்தப் பணிகளை மேற்கொள்கிறார். இருப்பினும் கட்சியின் முகமாக தொண்டர்களும், பொது மக்களும் விஜயகாந்தையே பார்க்கின்றனர். கடந்த மக்களவைத் தேர்தல் பிரச்சாரத்தில் பெரும்பாலும் பிரேமலதாவே கலந்துகொண்ட நிலையில் சென்னையின் சில தெருக்களில் வேனில் இருந்தபடியே வலம் வந்தார் விஜயகாந்த்.

அரையாண்டு தேர்வு ரத்து - பள்ளிகள் திறப்பு எப்போது?

சட்டமன்றத் தேர்தலில் இதற்கு முன்பாக விருதாச்சலம், ரிஷிவந்தியம், உளுந்தூர்பேட்டை என சென்னைக்கு வெளியே வட மாவட்டங்களில் போட்டியிட்டார். தற்போது அவரது உடல்நலம் கருதி சென்னைக்குள் ஒரு தொகுதியை தேமுதிக எதிர்பார்க்கிறது. அந்தவகையில் அதிமுக கூட்டணியில் விருகம்பாக்கம் தொகுதியை விஜயகாந்துக்கு ஒதுக்குமாறும் தேமுதிக தரப்பில் கோரிக்கை வைக்கப்பட்டுள்ளதாக தகவல்கள் வெளியாகி வருகின்றன.