விஜயகாந்த் உடல்நிலையில் முன்னேற்றம்: சாதாரண வார்டுக்கு மாற்றம்

சென்னை தனியார் மருத்துவமனையில் சிகிச்சை பெறும் தேமுதிக தலைவர் விஜயகாந்த் உடல்நிலையில் முன்னேற்றம் ஏற்பட்டுள்ளதால் ஐசியு வார்டிலிருந்து சாதாரண வார்டுக்கு மாற்றப்பட்டிருக்கிறார்.

தேமுதிக தலைவர் விஜயகாந்த் உடல்நிலக்குறைவு காரணமாக அடிக்கடி மருத்துவமனையில் சிகிச்சை பெற்றுவருகிறார். சிகிச்சைக்காக அவ்வப்போது வெளிநாடுகளுக்கும் செல்கிறார்.

இந்நிலையில் வெள்ளிக்கிழமை உடல்நலக் குறைவு காரணமாக சென்னை மணப்பாக்கத்தில் உள்ள தனியார் மருத்துவமனையில் விஜயகாந்த் அனுமதிக்கப்பட்டார்.

தீவிர சிகிச்சைப் பிரிவில் (ஐசியு) சேர்க்கப்பட்ட அவரது உடல்நிலை சிகிச்சைக்குப் பின் முன்னேற்றம் கண்டுள்ளது. இதனால் அவர் ஐசியு வார்டிலிருந்து சாதாரண வார்டுக்கு மாற்றப்பட்டுள்ளார். இதனையடுத்து விரைவில் வீடு அவர் திரும்புவார் என எதிர்பார்க்கப்படுகிறது.