ஆப்நகரம்

ஆவின் குடிநீர் திட்டம்: எதிர்ப்பு தெரிவிக்கும் கேப்டன் விஜயகாந்த்

ஆவின் குடிநீர் திட்டத்துக்கு தேமுதிக தலைவர் விஜயகாந்த் எதிர்ப்பு தெரிவித்துள்ளார்.

Authored byமரிய தங்கராஜ் | Samayam Tamil 24 May 2023, 10:11 am
பால்வளத்துறை அமைச்சராக பதவி வகித்த ஆவடி நாசர் பதவி நீக்கம் செய்யப்பட்டு அமைச்சர் மனோ தங்கராஜுக்கு அந்த துறை வழங்கப்பட்டது. தொடர்ந்து ஆவின் நிறுவனத்தில் புதிய முயற்சிகள் மேற்கொள்ளப்பட்டு வருகின்றன. அந்த வகையில் ஆவின் நிர்வாகம் மூலம் குடிநீர் பாட்டில்களை விநியோகிக்கும் முடிவு எடுக்கப்பட்டு அதற்கான நடவடிக்கைகள் எடுக்கப்பட்டு வருகின்றன.
Samayam Tamil vijayakanth dmdk


இந்நிலையில் ஆவின் குடிநீர் திட்டத்துக்கு தேமுதிக தலைவர் விஜயகாந்த் எதிர்ப்பு தெரிவித்துள்ளார்.

இதுதொடர்பாக அவர் வெளியிட்ட அறிக்கையில், “தமிழகம் முழுவதும் ஆவின் குடிநீர் பாட்டில்களை விநியோகம் செய்யத் திட்டமிடப்பட்டு, அதற்கான ஒப்பந்தப் புள்ளி வெளியிடப்பட்டுள்ளது. பாதுகாக்கப்பட்ட குடிநீரை பொதுமக்களுக்கு இலவசமாக வழங்க வேண்டியது அரசின் கடமையாகும். அப்படியிருக்க, குடிநீரை பாட்டிலில் அடைத்து விற்பனை செய்ய திட்டமிட்டிருப்பது எந்த வகையில் நியாயம்?
எடப்பாடியின் வலது கைக்கு ஸ்கெட்ச்: கூட்டுறவு இளங்கோவனை வளைக்கும் லஞ்ச ஒழிப்புத்துறை!
தமிழகத்தின் பல்வேறு பகுதிகளில் குடிநீர் பிரச்சினை இருந்து வருகிறது. இதைப் பற்றியெல்லாம் தமிழக அரசு கவலைப்படவில்லை. முறையாகக் குடிநீர்வரி செலுத்தும் மக்களுக்கு குடிநீரை இலவசமாக வழங்க வேண்டுமே தவிர, அதை விற்பனை செய்யக் கூடாது.
தமிழக பள்ளிகளுக்கு பறந்த உத்தரவு: இனி இது கட்டாயம் - பள்ளிக் கல்வித்துறை தீவிரம்!
எனவே ஆவின் நிறுவனம் சார்பில் குடிநீர் பாட்டில்களை விற்கும் திட்டத்துக்கு எனது கண்டனத்தைத் தெரிவித்துக் கொள்கிறேன். வரியும் பெற்றுக்கொண்டு குடிநீரை வியாபாரம் செய்வதை ஏற்றுக் கொள்ள முடியாது. இத்திட்டத்தை தமிழக அரசு உடனடியாக கைவிட வேண்டும். அதேபோல தமிழகம் முழுவதும் குடிநீர் தட்டுப்பாட்டை போக்கவும் போர்க்கால நடவடிக்கை எடுக்க வேண்டும்” என்று தெரிவிக்கப்பட்டுள்ளது.
எழுத்தாளர் பற்றி
மரிய தங்கராஜ்
காட்சி தொடர்பியல் துறை பட்டதாரி. சினிமா, அரசியல் சார்ந்து எழுதுவதில் பெரும் விருப்பம் கொண்டவர். டிஜிட்டல் ஊடகத்தில் ஆறு ஆண்டுகள் அனுபவம். தமிழ் சமயம் ஊடகத்தில் சீனியர் டிஜிட்டல் கண்டட் புரொடியூசராக அரசியல் சாந்த செய்திகள், கட்டுரைகளை கடந்த மூன்றாண்டுகளாக எழுதி வருகிறார்.... மேலும் படிக்க

அடுத்த செய்தி