'மொதல்ல உங்க கட்சிக்காரங்களுக்கு எதிரா சர்வாதிகாரியா மாறுங்க'

பத்திரிகை செய்தி: அதிபர் பதவியில் இருந்து விலகும்போது அரசு ஆவணங்களை தேசிய ஆவணக் காப்பகத்தில் ஒப்படைக்காமல், தன் வீட்டு எடுத்துச் சென்றதாக உள்ள குற்றச்சாட்டின் அடிப்படையில் டொனால்ட் டிரம்ப் பங்களாவில் எஃப்பிஐ அதிரடி சோதனை

பப்ளிக் மயிண்ட்வாய்ஸ்: இங்கதான் கட்சி ஆபிஸ்ல புகுந்து ஆவணங்களை எடுத்துட்டு போயிட்டார்னு ஓபிஎஸ் மேல புகார்ன்னு பாத்தா, அமெரிக்காவுலேயும் இதே மாதிரி பஞ்சாயத்தா? உலகம் பூராவும் அரசியல்வாதிகள் ஒரே மாதிரிதான் இருப்பாங்களோ?


முதல்வர் ஸ்டாலின்: போதைப் பொருள் கடத்தலுக்கும், விற்பனைக்கும் துணை போனால், அவர்களுக்கு எதிராக சர்வாதிகாரியாக மாறுவேன்

மயிண்ட் வாய்ஸ்: திமுகவோட பகுத்தறிவு கொள்கைக்கு எதிரா, உங்க மருமகன் சபரீசன் திருச்செந்தூர் முருகன் கோயில்ல யாகம் நடத்துறாரு... திருச்சி கிட்ட உங்க கட்சி கவுன்சிலரோட கணவர் அரிவாளோட ஆவேசமாக வீதியில் வீறுநடை போடுறாரு... நீங்க சர்வாதிகாரியா மாறி, .கட்சியோட இமேஜை டேமேஜ் செய்யவர்கள் மீது முதலில் நடவடிக்கை எடுக்கணும்னு உடன்பிறப்புகளே எதிர்பாக்குறாங்களாம் தலைவரே!


பத்திரிகை செய்தி: செஸ் ஒலிம்பியாட் போட்டியை சிறப்பாக நடத்தியதற்காக பாராட்டு தெரிவித்த பிரதமர் மோடிக்கு, முதல்வர் ஸ்டாலின் நன்றி தெரிவித்துள்ளார்

மயிண்ட் வாய்ஸ்: அவர் உங்கள பாராட்டுறதும்... அதுக்கு நீங்க நன்றி சொல்றதையும் பார்த்தா போற போக்குல வாஜ்பாய் -கருணாநிதி போல, மோடி -ஸ்டாலின் கூட்டணி உருவாகிடுமோ என்ற டவுட் வருது.