Karunanidhi Health: கருணாநிதி நலமுடன் இருக்கிறார் - கனிமொழி

சென்னை : கருணாநிதி நலமுடன் இருப்பதாக கனிமொழி தெரிவித்துள்ளார்.

திமுக தலைவர் கருணாநிதி நலத்துடன் இருப்பதாக காவிரி மருத்துவமனை வளாகத்தில் திமுக எம்.பி கனிமொழி பேட்டி கொடுத்துள்ளார்.

வயது மூப்பின் காரணமாக உடல்நிலை பாதிக்கப்பட்டு திமுக தலைவர் கருணாநிதி காவேரி மருத்துவமனையின் சிகிச்சை பெற்று வருகிறார்.

அங்கு 8 மருத்துவர்கள் குழு அவருக்கு சிகிச்சை அளித்து வரும் நிலையில், கருணாநிதியின் உடல்நிலை குறித்து காவேரி மருத்துவமனை தொடர்ந்து அறிக்கை வெளியிட்டு வருகிறது.

இந்நிலையில் கருணாநிதியின் உடல்நிலையில் பின்னடைவு என நேற்று இரவு கூறப்பட்ட சில நிமிடங்களுக்கு பிறகு, ஆ. ராசா பேட்டியளித்ததில், கருணாநிதியின் உடல்நிலை இப்போது முன்னேற்றம் ஏற்பட்டுள்ளது என தெரிவித்திருந்தார்.

இந்நிலையில் இன்று காலை கனிமொழி, “கருணாநிதியின் உடல்நிலையில் முன்னேற்றம் உள்ளது. அவர் நலமுடன் இருக்கிறார்.” என தெரிவித்துள்ளார்.