தங்கம் வென்ற கோமதி மாரிமுத்துவிற்கு ரூ.10 லட்சம் பரிசு: திமுக தலைவர் முக ஸ்டாலின் அறிவிப்பு!

ஆசிய தடகளப் போட்டியின் 800 மீ தடகளப் போட்டியில் கலந்து கொண்டு தங்கப்பதக்கம் வென்ற கோமதி மாரிமுத்துவிற்கு திமுக தலைவர் முக ஸ்டாலின் ரூ.10 லட்சம் பரிசுத்தொகை அறிவித்துள்ளார்.

கத்தாரில் உள்ள தோஹாவில் 23வது ஆசிய தடகளப் போட்டிகள் நடைபெற்றது. இதில் 800 மீ தடகளப் போட்டியில் கலந்து கொண்ட திருச்சியைச் சேர்ந்த வீராங்கனை கோமதி மாரிமுத்து தங்கப் பதக்கம் வென்றார். மிகவும் ஏழ்மையான குடும்பத்தைச் சேர்ந்த கோமதி மாரிமுத்து, ஆசிய தடகளப் போட்டியில் தங்கப்பதக்கம் வென்றதைத் தொடர்ந்து அவருக்கு நாடு முழுவதிலும் இருந்து பாராட்டு குவிந்து வருகிறது.

தங்கமங்கைக்கு ரூ.1 லட்சம் வழங்கி கௌரவித்த ரோபோ சங்கருக்கு குவியும் வாழ்த்துகள்!


கத்தாரில் இருந்து சென்னை திரும்பிய கோமதிக்கு விமான நிலையத்தில் உற்சாக வரவேற்பு அளிக்கப்பட்டது. அப்போது பேசிய அவர், ஒலிம்பிக்கில் தங்கம் வெல்வேன். எனக்கு பின்னால் வரும் திறமையான பெண்கள், ஆண்களுக்கு உதவிகள் கிடைக்க வேண்டும் என்று கூறினார்.


இந்த நிலையில், சினிமா பிரபலங்கள் மற்றும் அரசியல் பிரபலங்கள் என்று பலரும் கோமதி மாரிமுத்துவின் சாதனையை பாராட்டி பரிசுத்தொகை வழங்கி வருகின்றனர். அந்த வகையில், திமுக தலைவர் முக ஸ்டாலின், கோமதி மாரிமுத்துவிற்கு ரூ.10 லட்சம் பரிசுத்தொகை அறிவித்துள்ளார். வெள்ளிப்பதக்கம் வென்ற ஆரோக்கியா ராஜீவ்வுக்கு ரூ.5 லட்சம் பரிசுத்தொகையும் அறிவிக்கப்பட்டுள்ளது. தமிழக காங்கிரஸ் கட்சியும் கோமதி மாரிமுத்துவிற்கு ரூ.10 லட்சம் அறிவித்துள்ளது என்பது குறிப்பிடத்தக்கது.


இதற்கு முன்னதாக காமெடி நடிகர் ரோபோ சங்கர் தங்க மங்கை கோமதி மாரிமுத்துவிற்கு ரூ.1 லட்சம் வழங்கி கௌரவித்துள்ளார் என்பது குறிப்பிடத்தக்கது.
தங்கமங்கை கோமதி மாரிமுத்துவின் தாய் ராசாத்தி.