MK Stalin:பெரியார் சிலைக்கு முக ஸ்டாலின் மரியாதை!

சென்னை : பெரியாரின் 45 வது நினைவு தினத்தில் அவரது உருவசிலைக்கு பல கட்சி மற்றும் இயக்க தலைவர்கள் மாலை அணிவித்து மரியாதை செலுத்தி வருகின்றனர்.

அந்த வகையில் சென்னை சிம்சன் பகுதியில் உள்ள பெரியார் சிலைக்கு திமுக தலைவர் மு.க.ஸ்டாலின் மாலை அணிவித்து மரியாதை செலுத்தினார்.

அதே போல் கி.வீரமணி தலைமையில் திராவிட கழகத்தினரும் பெரியார் சிலைக்கு மரியாதை செலுத்தினர்.

பெரியார் சிலைக்கு மாலை அணிவித்த முக ஸ்டாலின் தனது டுவிட்டர் பக்கத்தில், “தமிழினம் தன்மானத்தோடு தலைநிமிர்ந்து வாழ்ந்திட, சாதி - மத பேதமில்லா சமுதாயம் அமைந்திட தன் வாழ்நாள் முழுவதும் பாடுபட்ட பகுத்தறிவு பகலவனின் 45வது நினைவு நாளில் அவரது திருவுருவச் சிலைக்கு மரியாதை செலுத்தினேன்!

இந்நாள் மட்டுமல்ல எந்நாளும் தந்தை பெரியாரின் இலட்சியச் சுடரை ஏந்திடுவோம்!” என பதிவிட்டுள்ளார்.