திமுக சார்பில் மீண்டும் அனைத்துக்கட்சி கூட்டம்... கமல் கலந்து கொள்வாரா?

குடியுரிமை திருத்த சட்டத்திருத்தம் நாடாளுமன்றத்தில் தாக்கல் செய்யப்பட்ட நாள் முதல், அந்த சட்டத்துக்கு எதிராக நாடு முழுவதும் பல்வேறு இடங்களில் தொடர் போராட்டங்கள் நடைபெற்று வருகின்றன.

இந்நிலையில் குடியுரிமைத் திருத்தச் சட்டம் குறித்து ஆலோசிப்பதற்காக இன்று திமுக சார்பில் அனைத்துக் கட்சிக் கூட்டம் மீண்டும் நடைபெற இருக்கிறது.
இந்நிலையில் குடியுரிமைத் திருத்தச் சட்டம் குறித்து ஆலோசிப்பதற்காக திமுக தலைவா் மு.க.ஸ்டாலின் தலைமையில் அனைத்துக் கட்சி ஆலோசனை கூட்டம் அண்ணா அறிவாலயத்தில் ஜனவரி 24-ஆம் தேதி காலை 10 மணிக்கு கூட்டம் நடைபெறும் என்று அறிவிக்கப்பட்டுள்ளது.


இந்த கூட்டத்தில் குடியுரிமைத் திருத்தச் சட்டத்துக்கு எதிரான போராட்டம் நடத்துவது எந்த வகையில் என்பது குறித்து ஆலோசித்து முடிவு எடுக்க உள்ளதாக தகவல் தெரிவிக்கப்பட்டுள்ளது.
இதே விவாதம் குறித்து, இதற்கு முன்பு நடத்தப்பட்ட அனைத்துக்கட்சி ஆலோசனைக் கூட்டத்தில் மக்கள் நீதி மய்யத்துக்கு அழைப்பு விடுக்கப்படவில்லை என்பது குறிப்பிடத்தக்கது. இந்த கூட்டத்தில் கமல் கலந்துகொள்வாரா என்ற கேள்வியும் எழுந்துள்ளது.