வரும் 28ம் தேதி திமுக மாவட்டச் செயலாளர்கள் கூட்டம்

தமிழக அரசியல் நிலவரம் குறித்து விவாதிக்கும் வகையில், திமுக மாவட்டச் செயலாளர்கள் கூட்டம் வரும் 28-ஆம் தேதி நடைபெற உள்ளது.

சென்னை அண்ணா அறிவாலயத்தில் பிப்ரவரி 28-ஆம் தேதி காலை 10 மணிக்கு நடைபெறும் இந்தக் கூட்டத்துக்கு, கட்சியின் செயல் தலைவர் மு.க.ஸ்டாலின் தலைமை வகிக்க உள்ளார்.

திமுகவில் உள்ள 65 மாவட்டச் செயலாளர்களும் இந்தக் கூட்டத்தில் பங்கேற்க உள்ளனர். தமிழக அரசியல் நிலவரம் குறித்தும், உள்ளாட்சித் தேர்தல் குறித்தும் இந்தக் கூட்டத்தில் விவாதிக்கப்பட உள்ளதாக, கட்சி வட்டாரங்கள் தெரிவிக்கின்றன.

ஆளுங்கட்சியாக உள்ள அதிமுக.,வில் சசிகலா அணி, ஓபிஎஸ் அணி, தீபா அணி, தீபக் அணி என நான்முனை விரிசல் ஏற்பட்டுள்ளது. இதற்கிடையே உள்ளாட்சித் தேர்தலும் ஓரிரு மாதங்களில் நடைபெற உள்ளது. இதனால், திமுக அடுத்தக்கட்டமாக என்ன வியூகங்களை அமைத்துச் செயல்பட வேண்டும் என்பதன் அடிப்படையிலேயே இந்த மாவட்டச் செயலாளர்கள் கூட்டத்திற்கு அழைப்பு விடப்பட்டதாகவும், திமுக வட்டாரங்கள் குறிப்பிடுகின்றன.

DMK district functionaries meet to be held on Feb 28.