திமுக தலைவர் மு.க.ஸ்டாலின் - துர்கா தம்பதிக்கு இன்று 44வது திருமண நாள்- குவியும் வாழ்த்து மழை!

முன்னாள் தமிழக முதலமைச்சர் கருணாநிதியின் மூன்றாவது மகன் மு.க.ஸ்டாலின். இவருக்கும் துர்க்காவதிக்கும் கடந்த 1975ஆம் ஆண்டு ஆகஸ்ட் மாதம் 20ஆம் தேதி திருமணம் நடைபெற்றது. இந்த திருமணத்திற்கான அழைப்பிதழ் தற்போது வைரலாகி வருகிறது.

அதில், இருவரின் புகைப்படங்களும் இடம்பெற்றுள்ளன. தனது 22 வயதிலேயே ஸ்டாலின் திருமணம் செய்து கொண்டார். சென்னை அண்ணா சாலையில் உள்ள உம்மிடி பத்மாவதி மண்டபத்தில் இந்த திருமணம் நடைபெற்றது.

Also Read: இந்த பிரச்சனையை சும்மா விட மாட்டோம்- டெல்லியில் வரும் 22ஆம் தேதி திமுக ஆர்ப்பாட்டம்!

அப்போதைய திமுக பொதுச் செயலாளர் நாவலர் தலைமையில், பேராசிரியர் முன்னிலையில் திருமணம் நடந்துள்ளது. இந்த திருமணத்திற்கு அப்போதைய குடியரசுத் தலைவர் பக்ரூதின் அலி அகமது கலந்து கொண்டு வாழ்த்தியுள்ளார்.

மு.க.ஸ்டாலின் - துர்கா இருவரும் தங்கள் 44வது திருமண நாளை இன்று கொண்டாடுகின்றனர். இதையொட்டி அவர்களின் குடும்ப உறுப்பினர்கள், கட்சி தொண்டர்கள் உள்ளிட்ட பல்வேறு தரப்பினரும் வாழ்த்து தெரிவித்து வருகின்றனர்.

Also Read: நான் வெளிநாடு கிளம்பறேன்; இனி இவர் தான் எல்லாம்... ஓபிஎஸுக்கு அதிர்ச்சி கொடுத்த ஈபிஎஸ்!

திமுகவில் இளைஞரணிச் செயலாளர், எம்.எல்.ஏ, கட்சியின் பொருளாளர், உள்ளாட்சி துறை அமைச்சர், துணை முதலமைச்சர், திமுக தலைவர் என படிப்படியாக உயர்ந்து உச்சம் தொட்டவர்.

இவரது அரசியல் பயணத்தில் முதலமைச்சர் என்ற கனவு மட்டும், இன்னும் நிறைவேறாமல் இருக்கிறது. அதையும் விரைவில் அடைந்துகாட்டுவார் என்று கட்சியினர் வாழ்த்து மழை பொழிந்து வருகின்றனர்.

Also Read: தமிழகத்தின் ஆளுமை மிக்கத் தலைவா் ஸ்டாலின் - தங்க தமிழ் செல்வன் பேட்டி!

மு.க.ஸ்டாலின் - துர்கா தம்பதியினருக்கு செந்தாமரை என்ற மகளும், உதயநிதி என்ற மகனும் இருக்கின்றனர். இவர்களுக்கு திருமணமாகி ஸ்டாலினுக்கு தற்போது பேரக் குழந்தைகள் உள்ளனர்.