ஸ்டாலின் தான் அடுத்த முதல்வராம்; என்ன ஆச்சு பாஜகவிற்கு!

தமிழகத்தில் விரைவில் உள்ளாட்சி தேர்தல் வரும் என்று எதிர்பார்க்கப்படுகிறது. இதற்கான வேட்பாளர்களை தேர்வு செய்யும் நடவடிக்கையில் பல்வேறு அரசியல் கட்சிகளும் ஈடுபட்டுள்ளன. கடந்த மக்களவை தேர்தலில் அதிமுக, திமுக தலைமையில் அமைந்த கூட்டணியே உள்ளாட்சி தேர்தலிலும் தொடரும் என்று கூறப்படுகிறது.

அப்படி பார்த்தால் அதிமுக கூட்டணியில் பாஜக இடம்பெற்றுள்ளது. எல்லாம் சுமூகமாய் போய்க் கொண்டிருந்த சூழலில் இருகட்சிகளின் மோதலுக்கு வித்திட்டது மறைமுகத் தேர்தல் விவகாரம்.

இன்னும் இத்தனை நாட்களுக்கு மழை கொட்டித் தீர்க்கப் போகுது - வானிலை அறிவிப்பு!

வரும் உள்ளாட்சி தேர்தலில் மேயர் உள்ளிட்ட பதவிகளுக்கு மறைமுக தேர்தல் நடத்தப்படும் என்று தமிழக அரசு அரசாணை வெளியிட்டது. இதற்கு பாஜக தலைவர்கள் அதிருப்தி தெரிவித்து வருகின்றனர். இந்த சூழலில் பாஜவின் முக்கிய தலைவர் ஒருவர் திமுகவிற்கு சாதகமாக பேசியுள்ளார்.

இதுவே இன்றைய தமிழக அரசியலின் பரபரப்பான பேச்சாக மாறியுள்ளது. திமுக நிர்வாகியின் இல்ல திருமண விழா புதுக்கோட்டையில் சமீபத்தில் நடைபெற்றது. இதில் திமுக தலைவர் மு.க.ஸ்டாலின், பாஜக மாநில துணைத் தலைவர் அரசக்குமார் உள்ளிட்டோர் கலந்து கொண்டனர்.

மிரட்டும் கனமழை; கிடுகிடு உயர்வில் நீர் நிலைகள் - விவசாயிகள் ஒரே குஷி!

இந்த விழாவில் பேசிய அரசக்குமார், ஸ்டாலின் நினைத்திருந்தால் கூவத்தூர் சம்பவத்தின் போதே முதலமைச்சர் ஆகியிருக்கலாம். ஜனநாயகத்திற்காக அமைதியாக இருந்ததால் அப்படி எதுவும் செய்யவில்லை. காலம் வரும்.

தமிழகத்தின் முதலமைச்சராக ஸ்டாலின் விரைவில் பொறுப்பேற்பார். எம்.ஜி.ஆர் எனக்கு மிகவும் பிடித்த தலைவர். அவருக்கு பிறகு நான் மிகவும் மதிக்கக்கூடிய தலைவர் ஸ்டாலின். இவர் அனைத்து கட்சிகளையும் மதித்து நடக்கிறார். நேர்மையாக நடந்து கொள்கிறார்.

மக்களின் ஆதரவு ஸ்டாலினுக்கு நிறைய இருக்கிறது. இவர் உழைப்பால் உயர்ந்தவர். தமிழகத்தின் முதலமைச்சர் ஆவதற்கு அனைத்து தகுதிகளும் இருக்கின்றன என்று பரபரப்பாக பேசியுள்ளார்.

மிகக் கனமழை புரட்டி எடுக்கப் போகுது - உஷாரா இருங்க தமிழக மக்களே!

இந்த விவகாரம் பெரும் சர்ச்சையை ஏற்படுத்தியுள்ளது. அதிமுக உடன் மோதலின் விளைவாக திமுக பக்கம் பாஜக சாய்கிறதா என்ற எண்ணத் தோன்றுகிறது. வரும் உள்ளாட்சி தேர்தல் வரை பொறுத்திருந்து தான் பார்க்க வேண்டும்.