கமலா ஹாரிஸ்க்கு இப்படியொரு சர்ப்ரைஸ்; அசத்திய மு.க.ஸ்டாலின்!

திமுக தலைவர் மு.க.ஸ்டாலின் எழுதியுள்ள கடிதத்தில், அமெரிக்க நாட்டின் மாட்சிமை தங்கிய துணை அதிபராகப் பொறுப்பேற்க இருக்கும் கமலா ஹாரிஸ் அவர்களுக்கு வணக்கம் வாழ்த்துகள். அமெரிக்காவின் முதல் பெண் துணை அதிபர் என்பதோடு, நம் தமிழ்நாட்டைச் சேர்ந்த பெண்மணி என்பது, தமிழக மக்கள் அனைவரையும் பெருமிதம் அடைய வைக்கும் இனிய செய்தி. ’எல்லார்க்கும் எல்லாம்’ என்ற உன்னத நோக்கத்துக்காக உருவாக்கப்பட்டது தான் திராவிட இயக்கம். மனிதர்களுக்குள் பேதம் இல்லை என்பதைப் போலவே, ஆண்களுக்கு சரிநிகராகப் பெண்கள் அனைத்து நிலைகளிலும் மிக உன்னதமான இடத்தை அடைய வேண்டும் என்பதை இலட்சியமாகக் கொண்டு, அதற்கான திட்டங்களை தீட்டிய இயக்கம்.

அத்தகைய இயக்கத்துக்கு உங்களது வெற்றி மாபெரும் நம்பிக்கையைக் கொடுத்துள்ளது. ஒரு தமிழ்ப் பெண் அமெரிக்காவையும் ஆளத் தகுதி படைத்தவர் என்பதை, உங்களது கண்ணோட்டமும், கடின உழைப்பும் மெய்ப்பித்துக் காட்டியிருக்கிறது. உங்களது ஆட்சிக்காலம், அமெரிக்காவிற்கு மேலும் புகழ் சேர்த்து, தமிழர் தம் பாரம்பரியப் பெருமையை உலகுக்குப் பறை சாற்றுவதாய் அமையட்டும்.

திமுக ஜாதகம் ஐ பேக் கையில்: ஆபத்தை உணர்வாரா ஸ்டாலின்?

தங்களது வருகையை தமிழகம் எதிர்நோக்கிக் காத்திருக்கிறது. தங்களது வெற்றிக்கு மீண்டும் ஒருமுறை எனது மகிழ்ச்சியையும் மனமார்ந்த பாராட்டுகளையும் தெரிவித்துக் கொள்கிறேன். உங்களுக்கு அதிக மகிழ்ச்சியை ஏற்படுத்தும்.

ஏற்படுத்த வேண்டும் என்பதற்காகவே உங்களுக்கும், எனக்கும் இயற்கை வழங்கிய இணையற்ற வரமாக அமைந்திருக்கும் தாய்மொழியாம் தமிழில் இந்தக் கடிதத்தை எழுதி இருப்பதாக குறிப்பிட்டுள்ளார். தமிழகத்தில் இருந்து பல்வேறு அரசியல் தலைவர்களும் கமலா ஹாரிஸ்க்கு வாழ்த்து தெரிவித்து வருகின்றனர்.

அதில் ஸ்டாலின் தன் கைப்பட தமிழில் எழுதிய இக்கடிதம் முக்கியத்துவம் பெறுகிறது. விரைவில் தமிழக சட்டமன்ற தேர்தல் வரவுள்ள நிலையில், தன்னை மதிப்புமிக்க தலைவராக நிலைநிறுத்திக் கொள்ள ஸ்டாலின் அனைத்து விஷயங்களையும் மேற்கொண்டு வருவது தெரியவருகிறது.