‘அசுரன் படமல்ல, ஸ்டாலினுக்கான பாடம்’: ராமதாஸ்!

இயக்குநர் வெற்றிமாறன் இயக்கத்தில் நடிகர் தனுஷ் நடிப்பில் சமீபத்தில் அசுரன் திரைப்படம் வெளியானது. எழுத்தாளர் பூமணி எழுதிய வெக்கை நாவலின் கதையை வைத்து எடுக்கப்பட்ட அசுரன் திரைப்படம், பிற்படுத்தப்பட்ட வகுப்பினர் என அடையாளப்படுத்தப்பட்டுள்ளவர்களின் கதையைப் பேசுகிறது. பல்வேறு விமர்சனங்களுக்கு உள்ளான இந்த திரைப்படத்தை அரசியல் தலைவர்கள் உள்பட பல்வேறு தரப்பினர் திரையரங்கிற்குச் சென்று படத்தைப் பார்த்துவிட்டு, பாராட்டத் தொடங்கினர்.

அதே நேரத்தில் படத்தில் சில வசனங்கள் சர்ச்சைக்குரிய வகையில் உள்ளதாகக் கூறி அந்த வசனங்களை நீக்க வலியுறுத்தி வெற்றிமாறனுக்கு பல்வேறு தொலைப்பேசி அழைப்புகள் வந்தது.

ஜெயலலிதா மரணம் குறித்து சீமான் கேள்வி எழுப்புவாரா?

இந்நிலையில், நேற்று முன்தினம் அசுரன் திரைப்படத்தை திமுக தலைவர் மு.க.ஸ்டாலின் திரையரங்கு ஒன்றில் பார்த்துவிட்டு தனது ட்விட்டர் பக்கத்தில் பஞ்சமி நிலத்தை மீட்கும் துணிச்சல் காரன் என தனுஷையும், வெற்றிமாறனையும் பாராட்டிப் பதிவு ஒன்றைப் பதிவிட்டிருந்தார். இத்துடன் அசுரன் படம் பார்ப்பதுபோல், புகைப்படம் ஒன்றையும் ஸ்டாலின் பதிவிட்டிருந்தார்.



ஸ்டாலின் பதிவுக்கு, தனுஸ் நன்றி தெரிவித்து பதில் ட்வீடு செய்திருந்தார். அதைத் தொடர்ந்து, ஸ்டாலினின் இந்த கருத்து குறித்து ராமதாஸ் தனது ட்விட்டர் பக்கத்தில் ஒரு பதிவு ஒன்றைப் பதிவிட்டுள்ளார். அதில், முரசொலி அலுவலகம் அமைந்துள்ள நிலம் குறித்து சர்ச்சையைக் கிளப்பியுள்ளார். அந்த ட்வீட்டில் ராமதாஸ் கூறியிருப்பதாவது:

அபிஜித் பானர்ஜியின் அறிக்கை மத்திய அரசுக்கு குற்ற உணர்ச்சியை ஏற்படுத்தவில்லையா: ப.சிதம்பரம் கேள்வி

பஞ்சமி நிலம் குறித்துப் பேசும் அசுரன் படம் அல்ல அது பாடம். படத்தை ஆஹா, என பாராட்டும் ஸ்டாலின் கற்றுக் கொண்ட பாடத்தை, ஏற்று, முரசொலி அலுவலகத்துக்காக வளைக்கப்பட்ட பஞ்சமி நிலத்தை உரியவர்களிடம் ஒப்படைக்க வேண்டும் என நாம் நம்புவோம்.



இவ்வாறு அவர் பதிவிட்டிருந்தார். ராமதாஸின் இந்த செயல் பல்வேறு விவாதங்களைக் கிளப்பியுள்ளது. ராமதாஸின் இந்த பதிவுக்குக் கீழ் திமுக நிர்வாகிகள் தொடங்கி பலர் ராமதாஸை விமர்சித்து ட்வீட்களை பதிவிட்டு வருகின்றனர்.