எம்.எல்.ஏ சரவணன் வீடியோ விவகாரம்; அமளியில் ஈடுபட்ட திமுகவினர் வெளியேற்றம்

சென்னை: தமிழக சட்டப்பேரவையில் தொடர் அமளியில் ஈடுபட்டதாக கூறி, திமுகவினர் வெளியேற்றப்பட்டனர்.

தமிழக சட்டப்பேரவை இன்று கூடியது. அதில் அதிமுக எம்.எல்.ஏக்களுக்கு கோடிக்கணக்கில் லஞ்சம் கொடுத்த விவகாரம் தொடர்பாக எம்.எல்.ஏ சரவணன் பேசும் வீடியோ காட்சிகள் வெளியாகின.

ஆங்கில ஊடகமான டைம்ஸ் நவ் வெளியிட்ட வீடியோவை தொடர்ந்து, பெரும் அதிர்ச்சி ஏற்பட்டது. இதுதொடர்பாக எதிர்க்கட்சி தலைவர் மு.க.ஸ்டாலின் கவன ஈர்ப்பு தீர்மானம் கொண்டு வந்தார். ஆனால் அதற்கு சபாநாயகர் தனபால் மறுப்பு தெரிவித்தார். இதுதொடர்பான வழக்கு நீதிமன்றத்தில் விசாரணையில் உள்ளதால் பேரவையில் விவாதிக்க முடியாது என்று கூறினார்.

இந்நிலையில் தொடர் அமளியில் ஈடுபட்டதாக கூறி, திமுகவினரை வெளியேற்ற சபாநாயகர் உத்தரவிட்டார். இதையடுத்து அவையில் இருந்து திமுகவினர், சாலை மறியலில் ஈடுபட்டுள்ளனர். தங்களை வெளியேற்ற உத்தரவிட்ட சபாநாயகருக்கு திமுகவினர் கண்டனம் தெரிவித்தனர். இதனைத் தொடர்ந்து மறியலில் ஈடுபட்ட திமுகவினர் கைது செய்யப்பட்டனர்.

DMK MLAs evicted from Tamilnadu Assembly.