சிறுமி வயிற்றில் அரை கிலோ தலை முடி, ஷாம்பு பாக்கெட்கள்- ஆபரேஷனில் பயங்கர ‘ஷாக்’!

குழந்தைகள் வினோத ஆசையால் பல்வேறு பொருட்களை சாப்பிடுவது வழக்கம். இதனை மறக்கடித்து மீட்டுக் கொண்டு வருவது பெற்றோர்களுக்கு பெரும் சிரமமாக இருக்கும். மண்ணை சாப்பிடுவர், பவுடரை சாப்பிடுவர், சிலேட் பென்சிலை சாப்பிடுவர்.

இதுபோன்ற வித்தியாசமான பழக்கங்கள் சில பெரியவர்களிடம் இருப்பதையும் செய்திகள் மூலம் காண முடிந்தது. ஆனால் இங்கொரு சிறுமி தலை முடியையும், காலியான ஷாம்பு பாக்கெட்களையும் சாப்பிட்டார் என்றால் நம்ப முடிகிறதா?

கோவையை சேர்ந்த 13 வயது சிறுமி ஒருவர் 7ஆம் வகுப்பு படித்து வருகிறார். இவருக்கு ஒருநாள் திடீரென வயிற்று வலி ஏற்பட்டுள்ளது. உடனே அருகிலுள்ள தனியார் மருத்துவமனைக்கு பெற்றோர் அழைத்துச் சென்றுள்ளனர். அங்கு சில மாத்திரைகள் அளிக்கப்பட்டுள்ளன.

ரஜினி சென்ற விமானத்தில் கோளாறு; சென்னை விமான நிலையத்தில் பரபரப்பு!

இதனை உட்கொண்ட பின்பும் வயிற்று வலி சரியாகவில்லை. இதனால் வேறொரு மருத்துவரிடம் அழைத்துச் சென்றனர். அவர் ஸ்கேன் செய்து பார்த்துள்ளார். அதில் சிறுமியின் வயிற்றில் பந்து போன்ற பொருள் இருப்பதைக் கண்டறிந்தார்.

அதனை நீக்க அறுவை சிகிச்சை செய்ய வேண்டும் என்று கூறியுள்ளனர். இதற்கான ஏற்பாடுகளை மருத்துவர்கள் செய்தனர். அறுவை சிகிச்சைக்கான நேரமும் வந்தது. இந்நிலையில் சிகிச்சையில் வயிற்றில் இருந்த பொருட்கள் வெளியே எடுக்கப்பட்டன.

அதனை ஆய்வு செய்த போது அரை கிலோ தலை முடி, காலி ஷாம்பு பாக்கெட்கள், பிளாஸ்டிக் கழிவுகள் என்று தெரியவந்தது. இதைக் கண்ட மருத்துவர்கள் அதிர்ச்சி அடைந்தனர். இப்படியொரு பொருளை வயிற்றில் இருந்து இதுவரை எடுத்ததில்லை என்று கூறியுள்ளனர்.

அவ்வளவு தான் தண்ணீர்; மூடப்படுகிறது மேட்டூர் அணை- விவசாயிகள் தேவை பூர்த்தியானதா?

இதுகுறித்து அந்த சிறுமியிடம் விசாரித்தனர். அதில் சிறுமியின் உறவினர் ஒருவர் இறந்துவிட்டாராம். இதனால் அவர் மிகுந்த மனவேதனை அடைந்துள்ளார். இதன் காரணமாக வினோதமான உண்ணும் பழக்கம் ஏற்பட்டுள்ளதாக கூறப்படுகிறது.

தற்போது சிறுமியின் உடல்நிலை நன்றாக இருப்பதாகவும், முழுமையாக குணமடைந்து விட்டார் என்றும் மருத்துவர்கள் தெரிவித்துள்ளனர்.