ஜாதி மதங்களை கடந்த பாரதியாருக்கு காவியா?

பாரதியார் ஜாதி, மத பேதங்களைக் கடந்து பல புரட்சிகரமான சிந்தனைகளை தனது கவிதைகள் மூலம் உலகுக்கு எடுத்துரைத்தவர். இவருக்கு தற்போது காவி நிறம் பூசப்பட்டுள்ளது. ஆச்சர்யமாக உள்ளதா? ஆம்! 12ம் வகுப்பு தமிழ் பாடப் புத்தகத்தின் அட்டைப் படத்தில் பாரதியாரின் தலைப்பாகை காவி நிறத்தில் உள்ளது பலருக்கு அதிர்ச்சியளித்துள்ளது.
இது மத்தியில் ஆளும் பாஜக அரசின் திட்டமிட்ட சதி என பல எதிர்கட்சிகள் கருத்து தெரிவித்துள்ளன.

தமிழ் மொழியின் வளர்ச்சிக்குப் பாடுபட்டவர்களுள் இஸ்லாமிய மற்றும் கிருஸ்துவ புலவர்களும் அடக்கம். ஜோசப் கான்ஸ்டாண்டைன் போஸ்கி என்ற இயற்பெயர் கொண்ட வீரமாமுனிவர், இஸ்லாமியரான உமறுப்புலவர் உள்ளிட்டோர் எழுதிய நூல்கள் பாடப் புத்தகத்தில் இடம்பெற்றுள்ளன.

இதுகுறித்து விளக்கம் கேட்க தமிழக கல்வி அமைச்சர் செங்கோட்டையனைத் தொடர்புகொள்ள முடியவில்லை. ஆனால் இது குறித்து வளர்மதி கூறுகையில்
’இது மாநில பாடத்திட்டம். இதற்கும் மத்திய அரசுக்கும் எந்த தொடர்பும் இல்லை. இந்த விவகாரம் குறித்து தேவைப் பட்டால் விவாதிக்கப்பட்டு தக்க நடவடிக்கை எடுக்கப்படும்’ என தெரிவித்துள்ளார்.