ஜெ., பற்றி வீண் வதந்தி பரப்ப வேண்டாம்: தா.பாண்டியன் பேட்டி

தமிழக முதலமைச்சர் ஜெயலலிதாவின் உடல்நிலை பற்றி வீண் வதந்திகளை யாரும் பரப்ப வேண்டாம் என்று இந்திய கம்யூனிஸ்ட் கட்சியின் தலைவர் தா.பாண்டியன் கேட்டுக்கொண்டுள்ளார்.

இதுதொடர்பாக, ஈரோட்டில் செய்தியாளர்களிடம் பேசிய தா.பாண்டியன் மேலும் கூறியதாவது:

முதலமைச்சர் ஜெயலலிதாவின் உடல்நிலை நல்ல முன்னேற்றம் அடைந்து வருவதாக, அப்பல்லோ மருத்துவ குழுவினர் தினசரி அறிக்கை வெளியிட்டுவருகின்றனர். இதனை நாம் அனைவரும் ஏற்றுக்கொள்ள வேண்டும். இதை மறந்துவிட்டு, வீணான வதந்திகளை பரப்ப வேண்டாம் என கேட்டுக்கொள்கிறேன்.

இவ்வாறு தா.பாண்டியன் கூறினார்.