பாஜக ஒரு மிஸ்டுகால் கட்சி: கி.வீரமணி விமர்சனம்!

தமிழ்நாடு முழுவதும் திராவிடர் கழகம் சார்பாக மாநில உரிமைகள் மீட்பு விளக்கப் பொதுக்கூட்டம் நடத்தப்பட்டு வருகிறது.

தேனி மாவட்டம், பெரியகுளத்தில் நேற்று நடைபெற்ற பொதுக்கூட்டத்தில் பங்கேற்ற திராவிடர் கழக தலைவர் கி.வீரமணி பாஜக கடுமையாக விமர்சித்துப் பேசினார்.

“தமிழ்நாட்டில் பாரதிய ஜனதா கட்சியினர் தாங்கள்தான் எதிர்க்கட்சி என பொய் பரப்புரை செய்து வருகின்றனர். அவர்கள் எப்போதும் தமிழ்நாட்டில் ஒரு கட்சியாகத்தான் இருக்க முடியும்... எதிர்க்கட்சியாகவோ, ஆளுங்கட்சியாகவோ ஆகவே முடியாது. சொந்தக்காலில் நிற்கும் கட்சிகள்தான் தமிழ்நாட்டில் எதிர்க்கட்சிகளாகவும், ஆளுங்கட்சிகளாகவும் இருக்க முடியும். மிஸ்டு காலில் கட்சி நடத்துபவர்கள் ஒருபோதும் எதிர்க்கட்சியாக முடியாது” என்று கூறினார்.
தமிழகத்தில் அதிகரிக்கும் கொரோனா: பள்ளிகள் திறப்பில் மாற்றம் இருக்குமா?
மத்தியில் ஆளும் பாஜக அரசால் மாநில உரிமைகள் அனைத்தும் பறிக்கப்பட்டு வருவதை மீட்டெடுப்பதே திராவிட மாடல் ஆட்சி. மேலும் மக்கள் நலன், மக்கள் உரிமை, மனித உரிமை என்பதே திராவிட மாடல் ஆகும்.
அதிமுக ஆட்சியில் நடந்த ஊழல்: அண்ணாமலை குற்றச்சாட்டு!
சமத்துவ சிந்தனை, மூட நம்பிக்கைகள் ஒழிப்பு, அனைவருக்கும் கல்வி உள்ளிட்ட பெரியாரின் சிந்தனைகளால் தமிழ்நாடு இந்தியாவில் முன்னோடி மாநிலமாக 100 ஆண்டுகள் முன்னோக்கி சென்றுக் கொண்டிருக்கிறது, இதுதான் திராவிட மாடல் ஆட்சி" என்று கூறினார்.