அமெரிக்க அதிபருடன் சாப்பிட முதல்வர் பழனிசாமிக்கு அழைப்பு!

டெல்லி: இந்தியா வரும் அமெரிக்க அதிபர் ட்ரம்ப் உடன் விருந்தில் கலந்து கொள்கிறார் தமிழக முதல்வர் எடப்பாடி பழனிசாமிக்கு அழைப்பு விடுக்கப்பட்டுள்ளது.

பிரதமர் மோடி கடந்த ஆண்டு அமெரிக்கா சென்ற போது, அந்நாட்டு அதிபரை இந்தியா வருமாறு அழைத்துள்ளார். அதனையேற்று, அமெரிக்க அதிபர் டொனால்ட் ட்ரம்ப் அவரது மணைவி மெலானியா ட்ரம்ப் ஆகிய இருவரும் இரண்டு நாட்கள் அரசு முறைப்பயணமாக வருகிற 24ஆம் தேதி இந்தியா வரவுள்ளனர். அவர்களது பயணத்தில் முக்கியமாக குஜராத் மாநிலம் இடம்பெற்றுள்ளது.

அமெரிக்க அதிபரை வருகையையொட்டி குஜராத் மாநிலம் அகமதாபாத் நகர் அலங்கரிக்கபட்டு வருகிறது. அவரை வரவேற்கும் பொருட்டு கெம்ச்சோ ட்ரம்ப் (குஜராத்தில் மொழியில் கெம்ச்சோ என்றால் எப்படி இருக்கிறீர்கள் என அர்த்தம்) என்ற ஹேஷ்டேக் ட்ரெண்டாக்கப்பட்டு வருகிறது. அதில், ஏராளமானோர் தங்களது கருத்துகளை பதிவிட்டு வருகின்றனர்.

சுவர் காதலர் ட்ரம்ப் இந்தியா வருகை... குஜராத் மாடலை மறைக்கும் 'தீண்டாமை' சுவர்!

கடந்த ஆண்டு அமெரிக்காவின் ஹூஸ்டன் நகரில் 50 ஆயிரம் அமெரிக்க வாழ் இந்திய வம்சாவளியினர் மத்தியில் ட்ரம்ப்பும், மோடியும் இணைந்து ஹவுடி மோடி எனும் நிகழ்ச்சியில் கலந்து கொண்டு பேசினர். அதேபோல், நமஸ்தே ட்ரம்ப் எனும் நிகழ்ச்சியில் மோடியும் ட்ரம்ப்பும் கலந்து கொள்ளவுள்ளனர். இந்த நிகழ்வானது குஜராத் மாநிலம் அகமதாபாத்தின் மொதேரா பகுதியில் உள்ள சர்தார் வல்லபாய் படேல் புதிய கிரிக்கெட் மைதானத்தில் நடைபெறவுள்ளது.

இந்த மைதானத்தை பிரதமர் மோடியுடன் இணைந்து ட்ரம்ப் திறந்து வைக்கவுள்ளார். அதுதவிர, சாலை ஊர்வலம் ஒன்றை மேற்கொள்ளும் ட்ரம்ப், காந்தியின் சபர்மதி ஆசிரமத்துக்கும் சென்று பார்வையிடவுள்ளார். அத்துடன், குடியரசுத் தலைவர் ராம்நாத் கோவிந்த், பிரதமர் மோடி உள்ளிட்ட முக்கிய தலைவர்களையும் ட்ரம்ப் மற்றும் அவருடன் வரும் அமெரிக்க பிரதிநிதிகள் குழு சந்தித்து பேச்சுவார்த்தை நடத்தவுள்ளனர். இந்த சந்திப்பின் போது முக்கிய ஒப்பந்தங்கள் கையெழுத்தாகும் என எதிர்பார்க்கப்படுகிறது.

“மிஸ்டர். டிரம்ப் 3 மணி நேரம் இருப்பார், 100 கோடியை ஒதுக்கு” குஜராத் பாஜக அதிரடி!

இந்நிலையில், இரண்டு நாள் பயணமாக இந்தியா வரும் அமெரிக்க அதிபர் ட்ரம்ப் உடன் விருந்தில் கலந்து கொள்கிறார் தமிழக முதல்வர் எடப்பாடி பழனிசாமிக்கு அழைப்பு விடுக்கப்பட்டுள்ளது. வருகிற 25ஆம் தேதி குடியரசுத் தலைவர் மாளிகையில் நடைபெறும் விருந்தில் பங்கேற்க முதல்வருக்கு குடியரசுத் தலைவர் அழைப்பு விடுத்துள்ளார். இதனையேற்று, நாளை மாலை முதல்வர் பழனிசாமி டெல்லி செல்லவுள்ளார்.