டிடிவி தினகரன் ஆதரவாளர்கள் 44 பேர், அதிமுகவில் இருந்து கூண்டோடு நீக்கம்!

சென்னை: டிடிவி ஆதரவாளர்களை நீக்கி, ஓபிஎஸ்-ஈபிஎஸ் தரப்பு நடவடிக்கை மேற்கொண்டுள்ளது.

ஆர்.கே.நகர் இடைத்தேர்தலில் சுயேட்சை வேட்பாளராக போட்டியிட்டு, 89,013 வாக்குகள் பெற்று டிடிவி தினகரன் வெற்றி பெற்றார்.

இது ஆளும் அதிமுக தரப்பிற்கு பெரும் அதிர்ச்சியை ஏற்படுத்தியது. இதனைத் தொடர்ந்து கடந்த 25ஆம் தேதி, அதிமுக உயர்மட்ட கூட்டம் தலைமை அலுவலகத்தில் நடைபெற்றது.

தலைமைக் கழக அறிவிப்பு. #AIADMK pic.twitter.com/Rss6mZHJAw— O Panneerselvam (@OfficeOfOPS) December 28, 2017 அதில் டிடிவி தினகரன் ஆதரவாளர்களான 6 மாவட்ட செயலாளர்கள் பதவி நீக்கம் செய்யப்பட்டனர். மேலும் புகழேந்தி, நாஞ்சில் சம்பத், சி.ஆர்.சரஸ்வதி உள்ளிட்டோர் அதிமுகவில் இருந்தே நீக்கப்பட்டனர்.

இந்நிலையில் டிடிவி தினகரன் ஆதரவாளர்கள் 44 ஆதரவாளர்கள், கட்சியின் அடிப்படை உறுப்பினர் பொறுப்பு உட்பட அனைத்துப் பொறுப்புகளில் இருந்தும் இன்று அதிரடியாக நீக்கம் செய்யப்பட்டுள்ளனர்.

தலைமைக் கழக அறிவிப்பு. #AIADMK pic.twitter.com/wXQAX87j4A— O Panneerselvam (@OfficeOfOPS) December 28, 2017 இவர்களுடன் கட்சியின் யாரும் எவ்விதத் தொடர்பும் வைத்துக் கொள்ளக் கூடாது என்று வலியுறுத்தப்பட்டுள்ளது.

இதற்கான அறிவிப்பை கட்சியின் ஒருங்கிணைப்பாளர் ஓ.பன்னீர்செல்வம், இணை ஒருங்கிணைப்பாளர் எடப்பாடி கே.பழனிச்சாமி ஆகியோர் வெளியிட்டுள்ளனர்.

EPS and OPS sacked 44 TTV Dinakaran supporters.