என்னது... இபிஎஸ் அரசை அதிசயம் என்பதா? -ரஜினியை கண்டித்த ஓபிஎஸ்!!

எடப்பாடி பழனிசாமி தலைமையிலான அதிமுக ஆட்சியை அதிசயம் என்று நடிகர் ரஜினிகாந்த் கூறியுள்ளதற்கு, துணை முதல்வர் ஓ.பன்னீர்செல்வம் கடும் கண்டனம் தெரிவித்துள்ளார்.

பத்து நாள்கள் அரசு முறைப் பயணமாக அமெரிக்காவுக்கு சென்றிருந்த துணை முதல்வர் ஓ.பன்னீர்செல்வம், தமது பயணத்தை முடித்துக் கொண்டு, இன்றிரவு (திங்கள்கிழமை) சென்னை திரும்பினார்.

சென்னை விமான நிலையத்தில் அவர், செய்தியாளர்களிடம் கூறியது:
அமெரிக்காவில் உள்ள தொழில் முனைவோர், தமிழகத்தில் முதலீடு செய்ய ஆர்வமாக உள்ளனர். தொழில் முதலீடு செய்ய தமிழகத்துக்கு வருமாறு அவர்களுக்கு அழைப்பு விடுத்துள்ளேன்.

அவர் அதிசயத்தை நம்புகிறவர்... ஆனா நாங்க ஜெனங்கள நம்புறோம் : ரஜினிக்கு அமைச்சர் ஜெயக்குமார் பதிலடி

பல்வேறு வீட்டு வசதித் திட்டங்களுக்கு மொத்தம் 50 ஆயிரம் கோடி ரூபாய் நிதியதவி தருவதாக உலக வங்கி ஒப்புக் கொண்டுள்ளது. இதில் முதல்கட்டமாக 5, 000 கோடி ரூபாய் விரைவில் வழங்கப்படவுள்ளது.

எடப்பாடி பழனிசாமி தலைமையிலான அதிமுக அரசை, அதிசயத்தால் அமைந்த ஆட்சி எனவும், எடப்பாடி பழனிசாமி அதிசயம் நிகழ்ந்ததால் முதல்வரானார் என்றும் நடிகர் ரஜினிகாந்த் விமர்சித்துள்ளது கடுமையான கண்டனத்துக்குரியது.

ரஜினி கூறியது சரிதான்..! அதிமுக அமைச்சர் பகீர்...

எப்போது, எந்தத் தேர்தல் வந்தாலும் அதனை சந்திக்க அதிமுக தயாராக உள்ளது என்று பன்னீர்செல்வம் கூறினார்.

தமிழக முதல்வர் குறித்தும், அதிமுக ஆட்சி பற்றியும் ரஜினி கூறியுள்ள கருத்துக்கு, அமைச்சர்கள் ஓ.எஸ்.மணியன், ஜெயக்குமார், ராஜேந்திர பாலாஜி, செங்கோட்டையன் உள்ளிட்டோர் கடும் கண்டனம் தெரிவித்துள்ளனர். ஆனால், இதுகுறித்து முதல்வர் எடப்பாடி பழனிசாமி இதுவரை எந்த கருத்தும் தெரிவிக்கவில்லை என்பது குறிப்பிடத்தக்கது.