ஈவிகேஎஸ் இளங்கோவன்: உடல் நலம் தேறி வீடு திரும்பினார்!

தமிழ்நாடு காங்கிரஸ் கமிட்டியின் முன்னாள் தலைவரும் ஈரோடு கிழக்கு தொகுதி சட்டமன்ற உறுப்பினர் ஈவிகேஎஸ் இளங்கோவன் குணமடைந்து மருத்துவமனையிலிருந்து வீடு திரும்பினார்.

ஈவிகேஎஸ் இளங்கோவன் கடந்த மாதம் டெல்லி சென்று திரும்பிய நிலையில் அவருக்கு உடல்நிலை பாதிக்கப்பட்டது. மார்ச் 15ஆம் தேதி அவர் சென்னை போரூரில் உள்ள ராமச்சந்திரா மருத்துவமனையில் அனுமதிக்கப்பட்டார்.

ஏற்கெனவே இதய நோய் பிரச்சினை காரணமாக சிகிச்சை பெற்றுவந்த அவருக்கு மூச்சு திணறல் ஏற்பட்டது. மருத்துவர்கள் அவருக்கு தொடர்ந்து சிகிச்சை அளித்து வந்தனர். இந்நிலையில் அவருக்கு ஒமிக்ரான் தொற்று பாதிக்கப்பட்டது உறுதியானது. அதற்குண்டான சிகிச்சையும் அளிக்கப்பட்டது.
தலைமைச் செயலாளர் பதவி யாருக்கு? ஸ்டாலின் எடுக்கும் முடிவு!
செயற்கை சுவாசம் மூலம் அவருக்கு சிகிச்சை அளிக்கப்பட்டு வந்த நிலையில் ஒமிக்ரான் தொற்றிலிருந்து குணமடைந்தார். அதைத் தொடர்ந்து ஈவிகேஎஸ் இளங்கோவன் தான் குணமடைந்து வருவதாகவும் விரைவில் வீடு திரும்ப உள்ளதாகவும் பேசி வீடியோ வெளியிட்டார்.

அதன் பின்னரும் தொடர் சிகிச்சையில் இருந்த ஈவிகேஎஸ் இளங்கோவன் இன்று குணமடைந்து வீடு திரும்பியுள்ளார்.
தட்ட வேண்டிய இடத்தில் தட்டிய எடப்பாடி: நாடாளுமன்றத்தில் நிலக்கரி சுரங்கம் விவகாரம்!
இது தொடர்பாக மருத்துவமனை நிர்வாகம் வெளியிட்ட அறிவிப்பில், “இதய பிரச்சினை காரணமாகவும், கொரோனா தொற்று காரணமாகவும் ஸ்ரீ ராமச்சந்திரா மருத்துவமனையில் மார்ச் 15ஆம் தேதி அனுமதிக்கப்பட்டார் ஈவிகேஎஸ் இளங்கோவன். கொரோனா தொற்றிலிருந்து முழுவதும் குணமடைந்து விட்டார். இப்போது அவரது உடல் நலம் சீராக உள்ளதால் வீடு திரும்பினார்” என்று தெரிவிக்கப்பட்டுள்ளது.