தமிழகத்தில் மழைக்கு வாய்ப்பு: வானிலை மையம் தகவல்

சென்னை: தமிழகம் மற்றும் புதுச்சேரியில் மழைக்கு வாய்ப்பு இருப்பதாக சென்னை வானிலை ஆய்வு மையம் தெரிவித்துள்ளது.

இது குறித்து சென்னை வானிலை ஆய்வு மைய இயக்குனர் பாலச்சந்திரன் கூறுகையில், வெப்பசலனம் காரணமாக தமிழகம் மற்றும் புதுச்சேரியில் அடுத்த 24 மணி நேரத்தில் ஓரிரு இடங்களில் மழை பெய்ய வாய்ப்பு உள்ளது தெரிவித்துள்ளார்.

மேலும், தமிழகத்தின் உள்மாவட்டங்களை பொறுத்தவரை சூறைக்காற்றுடன் இடியுடன் கூடிய மழை பெய்யும் என்றும், சென்னையை பொறுத்தவரை வானம் மேகமூட்டத்துடன் காணப்படும் என்று அவர் கூறியுள்ளார்.

தமிழகத்தின் பகுதிகளில் வெப்பநிலை அதிகரித்து காணப்படும் சூழலில் மிதமான சாரல் மழைக்கு வாய்ப்பு என வானிலை ஆய்வு மையம் தெரிவித்திருப்பது மக்களை சற்று நிம்மதியடையச் செய்துள்ளது.

Expecting a moderate rain in the inner regions of Tamil Nadu and Puducherry.