வேட்புமனு தாக்கல் செய்ய அனுபவம் தேவை: விஷாலை கலாய்த்த டி.ராஜேந்தர்!

சென்னை: வேட்புமனு தாக்கல் செய்ய அனுபவம் தேவை என்று டி.ராஜேந்தர் தெரிவித்துள்ளார்.

ஆர்.கே.நகர் தொகுதிக்கு வரும் 21ஆம் தேதி இடைத்தேர்தல் நடைபெறவுள்ளது. இதற்கு வேட்புமனு தாக்கல் செய்தவர்களின் விண்ணப்பங்கள் இன்று பரிசீலனை செய்யப்பட்டன. அதில் நடிகர் விஷாலின் வேட்பு மனு நிராகரிக்கப்பட்டது.

இதற்கிடையில் விஷால் தயாரிப்பாளர் சங்க பதவியை ராஜினாமா செய்ய வேண்டும் என்று சேரன் தலைமையில் ஒருபிரிவினர் உள்ளிருப்புப் போராட்டத்தில் ஈடுபட்டனர். விஷால் வேட்புமனு நிராகரிக்கப்பட்ட பின், தங்கள் போராட்டத்தை வாபஸ் பெறுவதாக சேரன் தரப்பினர் தெரிவித்தனர்.

இதையடுத்து செய்தியாளர்களிடம் பேசிய டி.ராஜேந்தார், தயாரிப்பாளர் சங்கம் சாதித்தது என்ன என்று கேள்வி எழுப்பினார். தார்மீக ரீதியில் தயாரிப்பாளர் சங்க பதவியை ராஜினாமா செய்துவிட்டு, அரசியலில் களமிறங்குவதே சரியான அணுகுமுறை.

அதற்கு சிறந்த உதாரணம் நடிகரும், தேமுதிக தலைவருமான விஜயகாந்த். விஷாலின் வேட்பு மனு நிராகரிக்கப்பட்டது தொடர்பாக எழுப்பப்பட்ட கேள்விக்கு, அதற்கெல்லாம் அனுபவம் இருக்க வேண்டும் என்று கூறினார்.

For Election Nomination should have some experience says T Rajendar.