ஓ.பி.எஸ்சை சந்தித்து முன்னாள் அதிமுக அமைச்சர் கே.பி.முனுசாமி வாழ்த்து..!

தமிழக முதல்வர் ஓ.பன்னீர் செல்வத்தை அவரது இல்லத்தில் சந்தித்த முன்னாள் அதிமுக அமைச்சர் கே.பி.முனுசாமி அவருக்கு தனது வாழ்த்துகளை தெரிவித்துள்ளார்.

இன்று இரவு மெரினா கடற்கரையில் உள்ள மறைந்த தமிழக முதல்வர் ஜெயலலிதாவின் நினைவிடத்தில் ஓ.பன்னீர் செல்வம் செய்தியாளர்களை சந்தித்தார்.முதல்வர் பதவியை ராஜினாமா செய்யச் சொல்லி தன்னை வற்புறுத்தியதாகவும்,தான் சிறப்பாக செயல்படுவது சசிகலா மற்றும் அவரது குடும்பத்தினருக்கு பிடிக்கவில்லை எனவும் ஓ.பன்னீர் செல்வம் வெளிப்படையாக தெரிவித்தார்.ஓ.பன்னீர் செல்வத்தின் இந்த பேச்சு,தமிழக அரசியலில் மிகப்பெரிய பரபரப்பை ஏற்படுத்தியுள்ளது.

செய்தியாளர்களை சந்தித்த பின்னர்,தனது அரசு இல்லத்திற்கு ஓ.பன்னீர் செல்வம் திரும்பினார்.அங்கு ஏற்கனவே வந்திருந்த அதிமுகவின் முன்னாள் அமைச்சரான கே.பி.முனுசாமி,ஓ,பன்னீர் செல்வத்தை நேரில் சந்தித்து தனது வாழ்த்துகளை தெரிவித்தார்.

சசிகலா மற்றும் அவரது குடும்பத்தினர் அதிமுக கட்சியில் ஆதிக்கம் செலுத்தி வருவதை,ஜெயலலிதா மறைவுக்கு பின்னர் தொடர்ந்து எதிர்த்து வருபவர் முன்னாள் அமைச்சர் கே.பி.முனுசாமி என்பது குறிப்பிடத்தக்கது.