ஆளுநராக பதவியேற்க தேதி ரெடி? பக்கா பிளானுடன் தெலங்கானா செல்லும் தமிழிசை!

தமிழக பாஜக மாநிலத் தலைவராக இருந்தவர் தமிழிசை சவுந்திரராஜன். இவர் தெலங்கானா மாநிலத்திற்கு ஆளுநராக நியமிக்கப்பட்டுள்ளார். இதையடுத்து தனது பாஜக தலைவர் பதவி மற்றும் அடிப்படை உறுப்பினர் பதவியை ராஜினாமா செய்தார்.

இந்நிலையில் தமிழிசை சவுந்திரராஜனுக்கு பல்வேறு தரப்பினரும் வாழ்த்து தெரிவித்து வருகின்றனர். கட்சி பாகுபாடின்றி, ஏராளமான அரசியல் கட்சி தலைவர்கள் வாழ்த்து மழை பொழிந்து கொண்டிருக்கின்றனர்.

ஒரேவொரு ஆளுநர் பதவியால் ஓஹோன்னு புகழ்- தமிழிசைக்கு இத்தனை பெருமைகளா...!

இதுதொடர்பாக செய்தியாளர்களிடம் பேசிய தமிழிசை, தெலங்கானா மாநிலத்திற்கு ஆளுநராக சென்றாலும், தமிழகத்தின் வளர்ச்சியிலும் உறுதுணையாக இருப்பேன். நான் என்றும் தமிழகத்தின் சகோதரி தான் என்று குறிப்பிட்டுள்ளார்.

அதேசமயம் பிரதமர் மோடி, உள்துறை அமைச்சர் அமித் ஷா, பாஜக தலைவர்கள் உள்ளிட்டோருக்கு தனது நன்றியை தெரிவித்துள்ளார். காங்கிரஸ் குடும்பத்தில் பிறந்து, பாஜக மீதான ஈர்ப்பால் அக்கட்சியில் இணைந்து பணியாற்றத் தொடங்கினார்.

நன்றி... நான் தெலங்கானா கிளம்பறேன் - பாஜக தலைவர் பதவியை ராஜினாமா செய்த தமிழிசை!

அடிப்படை உறுப்பினர் பதவியில் இருந்து படிப்படியாக உயர்ந்தார். கடந்த 2014ஆம் ஆண்டு முதல் பாஜக மாநில தலைவராக இருந்து வந்துள்ளார். அவரது அயராத உழைப்பிற்கு கிடைத்த பரிசாக ஆளுநர் பதவி இருக்கிறது என்று கூறப்படுகிறது.

இந்நிலையில் வரும் செப்டம்பர் 8ஆம் தேதி தெலங்கானா ஆளுநராக தமிழிசை பதவி ஏற்றுக் கொள்வார் என்று தகவல்கள் பரவி வருகின்றன. இதுகுறித்து இன்னும் அதிகாரப்பூர்வமாக அறிவிக்கப்படவில்லை. இதற்கான வேலைகள் தீவிரமாக நடைபெற்று வருகிறது.

காங்கிரஸ் குடும்பத்தில் ஒரு பாஜக தலைவர்- தமிழிசை கடந்து வந்த அரசியல் பாதை...!