தமிழ்நாடு அரசின் சிறப்பு பிரதிநிதி: சபரீசனுக்கு நோ, விஜயனுக்கு யெஸ்!

முன்னாள் திமுக நாடாளுமன்ற உறுப்பினர் ஏகேஎஸ் விஜயன் அவர்கள் தமிழ்நாடு அரசின் டெல்லி சிறப்பு பிரதிநியாக நியமிக்கப்பட்டுள்ளார்.

இது தொடர்பாக தமிழ்நாடு தலைமைச் செயலாளர் வெ.இறையன்பு வெளியிட்டுள்ள அறிவிப்பில் முன்னாள் திமுக நாடாளுமன்ற உறுப்பினர் ஏகேஎஸ் விஜயன் ஓர் ஆண்டு காலம் தமிழ்நாடு அரசின் டெல்லி சிறப்பு பிரதிதியாக பொறுப்பு வகிப்பார் என தெரிவிக்கப்பட்டுள்ளது.
பள்ளிகள் திறப்பு: முதல்வர் ஸ்டாலின் நடத்தும் ஆலோசனை!
நாகப்பட்டினம் மக்களவைத் தொகுதியிலிருந்து 1999, 2004, 2009 என மூன்றுமுறை தேர்ந்தெடுக்கப்பட்டு டெல்லி சென்றார். 2014ஆம் ஆண்டு அதிமுக வேட்பாளரிடம் தோல்வியைத் தழுவிய அவர் 2019ஆம் ஆண்டு போட்டியிடவில்லை. நாகப்பட்டினம் தொகுதி கூட்டணியில் இடம்பெற்ற இந்திய கம்யூனிஸ்ட் கட்சிக்கு ஒதுக்கப்பட்டது. அக்கட்சி சார்பில் போட்டியிட்ட எம்.செல்வராஜ் போட்டியிட்டு வெற்றி பெற்றார்.
மாணவர் சேர்க்கையை நிறுத்துங்கள்: இதுல இவ்வளவு பிரச்சினையா?
தமிழ்நாடு அரசின் டெல்லி சிறப்பு பிரதிநிதி பொறுப்பு என்பது தமிழ்நாடு கேபினட் பதவிக்கு இணையானது என கூறப்படுகிறது. டெல்லி அரசியல் குறித்து நல்ல அனுபவிமிக்க ஏகேஎஸ் விஜயன் இந்த பொறுப்பை சிறப்பாக மேற்கொள்வார் என்று கூறப்படுகிறது.
அமெரிக்காவுக்கு பறக்கும் ரஜினி: அமைச்சர்கள் கொடுத்த அனுமதி?
முன்னதாக இந்த பதவி சபரீசனுக்கு செல்லலாம் என கூறப்பட்டது. ஸ்டாலினுக்கு டெல்லி அரசியலில் நம்பிக்கையுரிய கரமாக அவர் இருப்பார் என்று கூறப்பட்டது. தற்போது அந்த வாய்ப்பு விஜயனுக்கு சென்றுள்ளது.