ரவீந்திரநாத்துக்கு ’டங் ஸ்லிப்’; முன்னாள் திமுக எம்.பி., கிண்டல்

மாற்றி மாற்றிப் பேசுவதை வழக்கமாகக் கொண்டுள்ளனர் அதிமுகவினர். முத்தலாக் விவகாரத்தில் அதனை தடை செய்யக்கூடாது என எதிர்த்து இஸ்லாமியர்களை ஆதரித்தவர் தமிழக முன்னாள் முதல்வர் ஜெயலலிதா. அந்த நிலைபாட்டையே முதல்வர் பழனிசாமி, துணை முதல்வர் பன்னீர் செல்வம், அதிமுக ராஜ்ய சபா எம்.பிக்கள் பின்பற்றி வருகின்றனர்.

இந்நிலையில் ஓபிஎஸ் மகன் மற்றும் மக்களவை உறுப்பினர் ரவீந்திரநாத் குமார் மக்களவையில் பாஜக கொண்டுவர முயலும் முத்தலாக் தடை மசோதாவை ஆதரித்து பேசினார். இதற்குப் பின்னர் செய்தியாளர்களைச் சந்தித்த மீன்வளத்துறை அதிமுக அமைச்சர் ஜெயகுமார் முத்தலாக் மசோதாவை அதிமுக எதிர்ப்பதாகத் தெரிவித்தார். இது விவாதத்துக்குள்ளானது.
முதல்வர் பழனிசாமி அறிமுகம் செய்த கார் வெடித்து சிதறியது!
முத்தலாக் மசோதாவுக்கு முன்னதாக ஓபிஎஸ் மகன் ரவீந்திரநாத் மக்களவையில் ஆதரவு தெரிவித்திருந்தார். இதுகுறித்து புதிய தலைமுறைக்கு அதிமுக முன்னாள் எம்.பி அன்வர் ராஜா பேசியபோது, முத்தலாக் மசோதா குறித்த அதிமுகவின் நிலைப்பாடு ரவீந்திரநாத் குமாருக்கு சரியாக போய்ச் சேரவில்லை. சரியாக தகவல் போய்ச் சேராததால் ரவீந்திரநாத் முதலில் ஆதரித்துள்ளார்.
Triple Talaq: மக்களவையில் ’எஸ்’ - மாநிலங்களவையில் ‘நோ’; முத்தலாக் மசோதாவில் முட்டிகிட்டு நிற்கும் அதிமுக!
முதலில் தவறாக பேசினாலும் இப்போது கேட்டால் சரியாக பேசுவார் ரவீந்திரநாத். மசோதாக்களை அவசர அவசரமாக நிறைவேற்றுவதால் அதுகுறித்து சரியாக படிக்கமுடியவில்லை. முத்தலாக் மசோதாவை எதிர்ப்பதே அதிமுகவின் நிலைபாடு என்று கூறினார்.
மாநிலங்களவையில் இப்படியொரு மொக்கை பண்ணிய அதிமுக எம்.பிக்கள்!
முத்தலாக் தடுப்பு மசோதாவிற்கு மக்களவையில் ரவீந்திரநாத் குமார் ஆதரவு தெரிவித்த நிலையில், மாநிலங்களவையில் அதிமுக உறுப்பினர்கள் எதிர்ப்பு தெரிவித்தனர். அதிமுகவின் எஸ்.ஆர்.பாலசுப்பிரமணியன், நவநீதகிருஷ்ணன் ஆகியோர் ஆய்வுக்குழுவுக்கு அனுப்ப வலியுறுத்தினர். முத்தலாக் மசோதா குறித்த அதிமுக எம்.பி ரவீந்திரநாத் குமாரின் பேச்சு டங் ஸ்லிப் போன்றதுதான் என்று முன்னாள் எம்.பி அன்வர் ராஜா கூறியுள்ளார்.