தமிழக முன்னாள் அமைச்சரின் வீட்டில் திருட்டு

தமிழக முன்னாள் அமைச்சர் ராமகிருஷ்ணனின் வீட்டில், நகைகள் மற்றும் ரொக்கம் திருடப்பட்ட சம்பவம் பரபரப்பை ஏற்படுத்தியுள்ளது.

கடந்த 2006-2011ம் ஆண்டில், திமுக ஆட்சிக்காலத்தில், அமைச்சராக இருந்தவர் ராமகிருஷ்ணன். இவர், பிறகு அங்கிருந்து வெளியேறி, அதிமுக.,வில் இணைந்துகொண்டார். இதையடுத்து, சொந்த ஊரான மதுராந்தகத்தில் இருந்து, சென்னை வந்து குடியேறினார்.

மதுராந்தகத்தில் தனக்குச் சொந்தமாக உள்ள வீட்டை, டாக்டர் ஒருவருக்கு, வாடகைக்கு விட்டிருந்தார். அவ்வப்போது, மதுராந்தகம் செல்லும்போது, வீட்டின் முதல் தளத்தில் வசிப்பதை, ராமகிருஷ்ணன் வழக்கமாகக் கொண்டிருந்தார்.

இந்நிலையில், முதல் தளத்தில் இருந்த அவரது அறையின் பூட்டை உடைத்து, யாரோ மர்ம நபர் உள் நுழைந்து, தங்க நகைகள் மற்றும் ரூ.50,000 மதிப்புள்ள ரொக்கம் ஆகியவற்றை திருடிச் சென்றுள்ளனர். இதுபற்றி ராமகிருஷ்ணன் அளித்த புகாரின்பேரில் போலீசார் விசாரிக்கின்றனர்.

Burglars struck at the house of former Tamil Nadu minister Ramakrishnan in Madurantakam and stole three sovereigns of gold jewellery and Rs 50,000 in cash.