மிக கனமழை அலர்ட்: வானிலை ஆய்வு மையம் அறிவிப்பு!

இலங்கை மற்றும் குமரி கடல் பகுதியை ஒட்டி வளிமண்டல மேலடுக்கு சுழற்சி நிலவுவதாக சென்னை வானிலை ஆய்வு மையம் தெரிவித்துள்ளது.

இதன் காரணமாக அடுத்த 24 மணி நேரத்திற்கு தென் தமிழகத்தில் அனேக இடங்களில் மிதமான மழையும், ராமநாதபுரம், விருதுநகர், திருநெல்வேலி, தூத்துக்குடி மாவட்டங்களில் ஓரிரு இடங்களில் இடியுடன் கூடிய கன முதல் மிக கன மழையும் பெய்யும் என தெரிவிக்கப்பட்டுள்ளது.

கன்னியாகுமரி, தேனி, புதுக்கோட்டை, சிவகங்கை, மதுரை மாவட்டங்களில் ஓரிரு இடங்களில் கன மழையும், கடலூர், விழுப்புரம், அரியலூர், பெரம்பலூர், திருச்சிராப்பள்ளி, கரூர், மயிலாடுதுறை, நாகப்பட்டினம், தஞ்சாவூர், திருவாரூர் மற்றும் புதுவை, காரைக்கால் பகுதிகளில் லேசானது முதல் மிதமான மழையும் பெய்யக்கூடும்.
பாமக கொடுக்கும் நெருக்கடி: என்ன செய்யப் போகிறது அதிமுக?
ஜனவரி 12ஆம் தேதி தென் தமிழகத்தில் பெரும்பாலான இடங்களில் மிதமான மழையும், திருநெல்வேலி, தூத்துக்குடி, ராமநாதபுரம், விருதுநகர், தேனி, திண்டுக்கல், கன்னியாகுமரி மாவட்டங்களில் ஓரிரு இடங்களில் இடியுடன் கூடிய கன முதல் மிக கன மழையும், மதுரை, புதுக்கோட்டை, சிவகங்கை மாவட்டங்களில் ஓரிரு இடங்களில் கன மழையும், ஏனைய மாவட்டங்களில் லேசானது முதல் மிதமான மழையும் பெய்யகூடும் .

ஜனவரி 13ஆம் தேதி தென் தமிழகத்தில் ஒரு சில இடங்களில் லேசானது முதல் மிதமான மழையும், திருநெல்வேலி, தூத்துக்குடி ராமநாதபுரம் மாவட்டங்களில் ஓரிரு இடங்களில் இடியுடன் கூடிய கன மழையும்,. ஏனைய மாவட்டங்களில் பெரும்பாலும் வறண்ட வானிலையும் நிலவும் .

ஜனவரி 14 மற்றும் 15ஆம் தேதிகளில் தென் மாவட்டங்களில் ஓரிரு இடங்களில் லேசானது முதல் மிதமான மழையும், ஏனைய மாவட்டங்களில் பெரும்பாலும் வறண்ட வானிலையும் நிலவும்.
ப்ளீஸ் விட்ருங்க, அரசியலுக்கு வரவே மாட்டேன்: மீண்டும் சொன்ன ரஜினி
சென்னை மற்றும் புறநகர் பகுதிகளைப் பொறுத்தவரை அடுத்த 48 மணி நேரத்திற்கு வானம் பொதுவாக மேகமூட்டத்துடன் காணப்படும். நகரின் ஒரு சில பகுதிகளில் லேசான மழை பெய்யக்கூடும். அதிகபட்ச வெப்பநிலை 30 குறைந்தபட்ச வெப்பநிலை 24 டிகிரி செல்சியஸை ஒட்டியும் இருக்கும்.

கடந்த 24 மணி நேரத்தில் தமிழகம் மற்றும் புதுவையில் ஒரு சில இடங்களில் லேசானது முதல் மிதமான மழையும், ஓரிரு இடங்களில் கன மழையும் பதிவாகியுள்ளது. அதிகபட்சமாக புவனகிரி (கடலூர்) 11, பரங்கிப்பேட்டை (கடலூர்) 9, ராமநாதபுரம், குடவாசல் (திருவாரூர்) தலா 6, ராமேஸ்வரம், கொள்ளிடம் (நாகப்பட்டினம்) தலா 5, மணமேல்குடி (புதுக்கோட்டை), முத்துப்பேட்டை (திருவாரூர்), மண்டபம் (ராமநாதபுரம்), சூரன்குடி (தூத்துக்குடி), அறந்தாங்கி (புதுக்கோட்டை), அய்யம்பேட்டை (தஞ்சாவூர்) தலா 4, சிதம்பரம், வாலிநோக்கம் (ராமநாதபுரம்), கும்பகோணம் (தஞ்சாவூர்), ஜெயன்கொண்டம் (அரியலூர்), மணல்மேடு (நாகப்பட்டினம்), சேரன்மாதேவி (திருநெல்வேலி) தலா 3 சென்டி மீட்டர் மழையும் பதிவாகியுள்ளது.
சசிகலா வருகை குறித்து எடப்பாடி கூறியது என்ன?
ஜனவரி 11 முதல் ஜனவரி 12 தென்மேற்கு வங்கக்கடல் பகுதிகள், குமரிக்கடல் மற்றும் மன்னார் வளைகுடா பகுதிகள் ஆகியவற்றில் சூறாவளி காற்று மணிக்கு 45 முதல் 55 கிலோமீட்டர் வேகத்தில் வீசக்கூடும்.

ஜனவரி 12 – ஜனவரி 13 கேரள கடலோர பகுதி மற்றும் தென்கிழக்கு அரபிக்கடல் , லட்சத்தீவு பகுதிகள் சூறாவளி காற்று மணிக்கு 45 முதல் 55 கிலோமீட்டர் வேகத்தில் வீசக்கூடும். மீனவர்கள் மேற்கூறிய பகுதிகளுக்கு செல்லவேண்டாம் என அறிவுறுத்தப்படுகிறார்கள்.